ديوان / نجم حرب

[نجم حرب]

السلام عليكم ورحمة الله وبركاته/
باسم مديرنا المحترم افتتح ديواني الشعري الذي اسميته /
ديوان نجم حرب واعتز بكل قصائدي /
تحياتي للجميع :

[نجم حرب]

الناس هم بالناس ماذا يقولون
قالوا كثيرٍ والسوالف طويله

الناس كل الناس بالناس يحكون
وكلٍ يحدد كلمته مع زميله

احدٍ يقول الحق وابليس ملعون
يازن كلامه ماحصل منه ميله

واحدٍ هو راس ابليس آذان وقرون
وفرعون عمه والخميني عميله

الله امر ناسه من ناسه يعوذون
حتى النبي رب الخلايق دخيله

تلقى الوفي وراه ناسٍ يحسدون
اما الغبطه والا النفوس الغليله

وتلقى الردي وراه ناسٍ يهرجون
تفضفض مجالسهم ومامن حصيله

هذي اطباع الناس والناس يدرون
ماعاد للعاقل على الناس حيله

ويالعاقل المذكور سلام مليون
اجلس معي والكل عقله دليله

نجم حرب

[نجم حرب]

حكى لنا التاريخ بكل صدقٍ
بأن العربُ ثلاثةُ اقسامُ

بائدةٌ وعاربةٌ ومستعربةٌ
وذلك قبل بزوغ الإسلامُ

بائدةٌ كا أقوام عادٌ وثمودُ
وعاربةٌ ابناء قحطان الكرامُ

ومستعربةٌ يعني منتسبةٌ
وهم ابناء عدنان بن سامُ

فيا أُمَّة الضَّاد مشكورةً
انجبت لنا سيِّد الآنامُ

محمداً خاتم الأنبياء
نشر الإسلامُ وعمَّ السلامُ

فصلاوة الله وسلامه عليه
وعلى آله مانشأ الغمامُ

نجم حرب

[نوال الشمراني]

مساكم الله بالخيرات

صح نبضك ياشاعر الألق

منظوماتك جزلة طال عمرك

لاهنت
@جاهله@

[نوال الشمراني]

بعد إذن الشاعر
سأضيف هذة المنظومة
لديوانك :


عهدٍ علي اليوم وبكره وبعده
ابقى طول العمر قوي العزيمه

ايمان بالمعبود والخير عنده
عهدٍ عليه ماانحني للهزيمه

عزمي قوي وابليس مهزوم جنده
حكاية الحساد حكايه قديمه

قلبٍ ملاه الحسد يغليه حسده
لين يرمد وسط الحطب والهشيمه

صبرك على من يحسدك نار كبده
تجعل بجوفه عاهةٍ مستديمه

ويالآدمي دنياك لاشك نكده
موقع سعادتها مواقيع غيمه

هذي احكام الشعر واختار وحده
لك عندنا ياصافي القلب قيمه

(نجم حرب)


تقديري
@جاهله@

[نجم حرب]

كل الشكر لك ايتها المراقبة المحترمه نوال الشمراني نورتي ديواني باطلالتك ولك الحرية بما اضفتي لاهنتي :

[بكرعلي]

صح لسانك شاعرنا القدير

[نجم حرب]

صح لسانك شاعرنا القدير

صح بدنك ولاهنت /

تحياتي لمقام سموكم الكريم :

[نوال الشمراني]

مساكم الله بالخير


صح نبضك ياشاعر القمم :


قال /نجم حرب


قلنا الكثير وصاحب العرف يعرف
ان الهدف من قولنا عزت النفس

اروح واجي بس ماقصدي الف
اقدي الاقدام عن موطن الخفس

رفيقي اللي ماشين باول الصف
طموحنا الجزلات ماهي على الطفس

عيني على المقفين ماطبعها ترف
وكبد العدو رفستها بالقدم رفس


تقديري
@جاهله@