زهير الطيب

[الباشوتي]

هذه القصيده طلب مني الاخ مصلح الشمراني ان انقلها اليكم وهي مهداه للشاعر زهير بن حمدان
وبو ماجد يستاهل كل خير وهي معبره عن نفسها
--------------------------------------------------------------------------------



بسم الله ابدأ قبل قافٍ ودّنا تقرونه
الواحد المعبود سبحانه وجل جلاله
رسالةٍ مضمونها عالي وهي مضمونه
نسجتها بخيوط فكري وانتهت بحباله
زهير رجلٍ جعل كل أهل الردى يفدونه
زهير رجلٍ كل ربعه تفتخر بافعاله
زهير رجل ٍ والمراجل ماتقصّر دونه
الا كساه الطيب من راسه الين نعاله
اكرر اسمه لجل ياعرّاف لاتنسونه
محبته كذا من الله من كريم خصاله
يقول قول الحق حتى علولد واخوانه
وحتى على عمه وبوه ولوتطول اخواله
مايتبع ارخيص الكلام وهرجةٍ مجنونه
يربى بنفسه عن علوم اهل الردى الطبّاله
ينقا سمان الهرج دايم هرجته موزونه
واللي يراهني على قولي يهب معداله
مدحي لبو ماجد فخر وتحيةٍ مقرونه
مانمدح الا طويق شامخ فوق شم اجباله
مدحي لبن عمي وقافي مايقصر دونه
زهير بن حمدان ربعه تفتخر بافعاله

[عايض حامد الشمراني]

لاهنت الباشوتي على نقل هذه القصيده
والشكر موصول للأخ مصلح الشمراني على مشاعره
وابو ماجد يستاهل المدح

[بلقاسم الشمراني]

يعطيك العافية أخي الباشوتي على نقل القصيدة

وشكرا لأخي مصلح على مشاعره ويستاهل أبو ماجد

تحياتي واحترامي

[عبدالله السبيعي]

ونعم والله بشمران
اهل الطيب والكرم والمواجيب
شيم وقيم

[بن صهبان]

الله يعطيك العافيه اخوي الباشوتي
وسلمت يمينك ع النقل المميز
تحياتي لك
بن صهبان

[ولد صقران]

الله يعطيك العافيه اخوي الباشوتي
وسلمت يمينك ع النقل المميز
تحياتي لك
ولد صقران