رد: ديوان الأمير بدر بن عبدالمحسن
 

‏صبري طويل وغيبتك هدّت الحال
‏عطني فرح عمري بشوفتك مرّة
‏
‏ليتك تمر العين وتفارق البال
‏حسدت بالي من كثر ما تمرّه

البدر

رد: ديوان الأمير بدر بن عبدالمحسن
 

‏يقول خالد الفيصل :

من يقول الزِين مايكمل حلاه
كل شيء في حبيبي اكتمــل

ويقول بدر بن عبدالمحسن :

علمهم ان الزين في غيرك ما أنخلق
وأنك البدر وطول عمرك مكتمــل

رد: ديوان الأمير بدر بن عبدالمحسن
 

‏ما انته امْحول كيف انا يمّك أرقا
والحَيّ مثلي بتَالي العمر مكتوفْ

حَبل الصّبر مَشدود والكف عرقا
كيف اتقضب لاغدَت قيض وشعوفْ

البدر

رد: ديوان الأمير بدر بن عبدالمحسن
 

كلما اقفيت ناداني تعالْ
وكلما اقبلت عزّم بالرحيلْ

الحقيقة غدت مثل الخيالْ
هو عدوي وهو أغلى خليلْ

البدر

رد: ديوان الأمير بدر بن عبدالمحسن
 

عطشت لشوفتك والّا عطشت لشوفتك والمَا
حبيبي واسقني قبل المطر ثم اسقني بعدَهْ

حشا منت البحر من يشربك لو يرتوي يظما
ولكن يشبهك موج البحر في جزره ومدّهْ

البدر

رد: ديوان الأمير بدر بن عبدالمحسن
 

أنا سجين الحال مهما تسليتْ
وانا الطليق وكل شيٍٍ قضبني

حريتي لاعل يا كود ياليتْ
ما شفت حيٍٍّ جاد لي ما سلبني

البدر

رد: ديوان الأمير بدر بن عبدالمحسن
 

حبيبتي وإن قلتها بعض الأوقاتْ
من عزّتي ما هي ترى من خضوعي

أهواك لي فوق الشواهيق راياتْ
وعلى حصون الياس تزحف جموعي

البدر

رد: ديوان الأمير بدر بن عبدالمحسن
 

عاشقٍ هالرمل من خلقني الله لين أموتْ
عاشقٍ جرد الروابي والفيافي والخبوتْ

عاشقٍ طين البيوتْ وفتلة خيوط الوبرْ
عاشقٍ مافي البشوت من عطا وطيب وفخرْ

البدر

رد: ديوان الأمير بدر بن عبدالمحسن
 

كذب من قال ورد العاطفة ينبت بظلّ السورْ
وجبان اللي يخاف الناس لو وقّف على بابكْ

كتب لك كلّ ما في الحبّ من عذْب الكلام سطورْ
ولكنَّه عجز يا طفلتي لا يكتب كتابكْ

البدر

رد: ديوان الأمير بدر بن عبدالمحسن
 

جديلة ما وراها صبحْ
ألا يا طول مسراها

وعينٍ ما تملّ الذبحْ
كأنّ أحبابها عداها

البدر