رد: فوق هام السحب ( الشعر الشعبي) على متن القوافي
 

‏لاغاب عنك اللي غيابه مصيبه
‏وطالت به الغيبه ولاجابه الشـوق

‏ما فيه داعي تنشده عن مغيبه
‏ماغاب عنك الا وهو منك مسروق

‏خله يكمل غيبـته وش تـبي به
‏لا تلحقه لو كل مطـرود ملحوق

‏ترى المحبه ما تجي ب الغصيبّه
‏لو السما تطبق على الارض من فوق

......

رد: فوق هام السحب ( الشعر الشعبي) على متن القوافي
 

ابن شايق طيّب الله ثراه قال :
" أحب التراب اللي مشوا به لو إنه تراب
وأمر المكان اللي لهم فيه مدهالي "

وقال سعد علوش :
" روّح مع الشارع اللي قلبي يحبّه
من حب راعيه .. ولا هو ترى شارع

رد: فوق هام السحب ( الشعر الشعبي) على متن القوافي
 

الجمال الي يقولون في وصف الجمال
زاده الله مع حلاها حلا منطوقها

فيك من عين الندواي ومن عنق الغزال
فيك من لون الخزامى ومن زملوقها

......

رد: فوق هام السحب ( الشعر الشعبي) على متن القوافي
 

‏يستريح البال لاهبت أنسام الـهبوب
‏سامح من هزل بعض العباد وجـدهم

‏في رجا اللي يفرج الهم ويغسل الـقلوب
‏عن بشر .. ماني بـ معهم ولاني ضـدهم*

‏فيه ناس ماورى عرفهم .. غير الذنـوب
‏ماقدرت اشري غلاهم ولاخطب ودهـم

‏خيرة لي .. يوم راحوا مع وساع الـدروب
‏ياعسى درب خذاهم ماعاد يـردهم


......

رد: فوق هام السحب ( الشعر الشعبي) على متن القوافي
 

‏حطني في قلبك وعينك وبين اهدابك
‏وعطني كفوفك كلام الناس مايعنيني

‏يا فديت اطباعك وضحكاتك وترحابك
‏وعينك اللي لا رضيت تحطها في عيني

‏والقصيد اللي معي يبدا بك وينهى بك
‏جعلني ما ابكيك يوم وجعل ماتبكيني

‏مادريت اني تعديت السما بأسبابك !
‏لين شفت الكل بالإجماع مُعجب فيني


......

رد: فوق هام السحب ( الشعر الشعبي) على متن القوافي
 

ﻣï؛ژ ï؛—ـﻌﻮï؛©ï»§ـï؛ژ ﻋï»*ـï»° ï؛£ـï؛گ ï؛چï»ںﻜï؛کـــﻮﻑ
ï»» ï؛»ـï»گï»´ــï؛® ï»*ï»» ï»›ـï؛’ï»´ـï؛® ï»*ï»» ï؛چﻣـï»´ــï؛®

ï»*ﻣـï؛ژ ï؛—ﻌﻮï؛©ï»§ـï؛ژ ﻋï»*ï»° ﻣـï؛ھ ï؛چï»ںﻜﻔــــﻮﻑ
ï»ںï»® ﻧﻌﻴï؛¶ ï؛‘ﻼ ﻓï؛®ï؛چï؛µ ï»*ï»» ï؛£ï؛¼ï»´ــï؛®


......

رد: فوق هام السحب ( الشعر الشعبي) على متن القوافي
 

يازينها والله حياة .......القديمين
اللي مـا تعجبـهم علـوم الـرخـامـه

عاشو على ظهر البسيطه عزيزين
وضمتهم بـطـون الـقـبـور بكرامـه


......

رد: فوق هام السحب ( الشعر الشعبي) على متن القوافي
 

‏قلبي خذاه اللي يحبه ويغليه
وروحي معه بالحب غصب خذاها

يموت في حبي وأنا ميت فيه
وأعطيه من روحي مثل ماعطاها


......

رد: فوق هام السحب ( الشعر الشعبي) على متن القوافي
 

‏ياذا المساء روق وجيب الطواريق
خل النفوس بروعة الجو تسلى

فنجال من دله وكاسه من ابريق
ونفس خفيفه مع قصيد محلى


......

رد: فوق هام السحب ( الشعر الشعبي) على متن القوافي
 

ودي بشوفك كل مااصبحت وامسيت
ممســاك فـي قلبـي وصبحـك بعينـي

ان قلـت احط بداخـل العيـن لك بيـت
خـايـف يحـول الرمـش بينـك وبينـي

وان قلت احطـك داخـل القلب عييـت
صعبه علي اخفيك عن شـوف عيني


......