رد: فوق هام السحب ( الشعر الشعبي) على متن القوافي
 

‏ترا جمال الشخص في حسن الاخلاق
‏وشخصٍ بدون اخلاق ماله محبه

‏لو تختلف عند العرب بعض الاذواق
‏تلقى خفيف النفس كلن يحبه

‏
......

رد: فوق هام السحب ( الشعر الشعبي) على متن القوافي
 

اثقل ديون الطيب دين الجماله
‏وألذ طعم الطيب طيب المواقيف

‏وازكى دروب الطيب درب العداله
‏وابرز صفات الطيب رد المعاريف

‏واللي تجمل فيك بأغلا حلاله
‏لا تتركه* لا عارضنه* صواديف

‏ترا الجزاله مالها الا الجزاله
‏و المرجله قد قيل تبغا تكاليف


.......

رد: فوق هام السحب ( الشعر الشعبي) على متن القوافي
 

‏ان كان ماتجزا هل الطيش بالطيـش
‏عـزالله ان تبقـى من الهـــمّ نـــادم

‏العز ما يبغـى مداهَـن وبخشـيــش
‏العـز من دونـه هقــاوي تحــــادم

‏اقلط على الميدان وتقدم الجيــش
‏واقدم على صف العدا سيل هــادم

‏وان ثارت الهيجا ترى احمالها ريـش
‏لاترخي اعزومك ترى النصـر قــادم

‏عاند وصادم واقفل اللعب بالشيش
‏وان اقفلت بالشيش عاند وصـــادم

‏والا تراك ان طحت ماضـن بتعيــش
‏الا لـرغبـات الريــاجيــل خـــــادِم

‏محمد صالح الزهراني

رد: فوق هام السحب ( الشعر الشعبي) على متن القوافي
 

‏غاب الظلام وبانت الشمس من شرق
‏ لا خاطرٍ هوّد ولا عين باتت

‏العمر فرصة والصدف مفترق طرق
‏لا تنكسر لو فرصة العمر فاتت

‏حثّ القدم من وين ما يسري البرق
‏الناس لو ماتتبع البرق ماتت

‏
سلطان بن سعيدان

رد: فوق هام السحب ( الشعر الشعبي) على متن القوافي
 

‏الطيب فطرة في نفوس المطاليق
‏والرجل موقف والدراهم وسيلة

‏حتى لو انه حدك العوز والضيق
‏بيجمل الله من نوى بالجميلة

‏خالد القرني

رد: فوق هام السحب ( الشعر الشعبي) على متن القوافي
 

بيت ٍقريته ماعرفت أسم راعيه
ألا ان راع ِالبيت خط الجزاله

يقول في بيته وقافه وما فيه
بيت ٍيهيض المستمع من جماله

حقد البعيد يموت لا مات راعيه
وحقد القريب يورثه في عياله


.......

رد: فوق هام السحب ( الشعر الشعبي) على متن القوافي
 

هلا عد ماهبت هبايب نسيم النود
هلا مرحبا بمتابعيني ورددها

محبه لوجه الله مانبغى عليها فود
هلا عد براق السحايب وراعدها

رد: فوق هام السحب ( الشعر الشعبي) على متن القوافي
 

اللي نسى قدر الصداقه نسيناه
والله يسامحنا و يخلف تعبنا

و ان مر له طارى و سيره مدحناه
ما هو من طيبه لكن من ادبنا

عزالله انا فالشدايد عرفناه
و صداقته ذنب ومن الذنب تبنا

يوم انها طيب و مواقف غلبناه
و يوم انها كذب و ضعافه غلبنا

.......

رد: فوق هام السحب ( الشعر الشعبي) على متن القوافي
 

‏خلك كريم الفعل والطيب والجاه
‏و اسلك طريق النعم بالطول والعرض !

‏ضعيّف الوقفه يمن بـ عطاياه
‏ولا ترى الطيّب يشوف الكرم : فرض

‏الغيم لا منّه عطى الارض من ماه
‏ماينتظر رد العطايا من الارض


.......

رد: فوق هام السحب ( الشعر الشعبي) على متن القوافي
 

والله لوتملك من المال مليار
وانته قليل الدين مالك سعاده

أن كان تبغالك معزه ومقدار
خل اجتهادك في كثير العباده

ترى صلاتك هي نجاتك من النار
وعدوك الشيطان واصل جهاده

واطلب ولي العرش لاصرت محتار
هوالذي يغفر ويرحم عباده


.......