رد: فوق هام السحب ( الشعر الشعبي) على متن القوافي
 

‏الذكريات بكل الاحوال تشقيك
‏مافيه روح من الحنين استراحت

‏تحزن على ذكرى حزينه تبكيك
‏وتضيق من ذكرى جميله وراحت

‏
.......

رد: فوق هام السحب ( الشعر الشعبي) على متن القوافي
 

‏فينا بقايا طفل يشفق على اللعبه
‏ما نقدر نْرد نفسه عن مشاهيها

‏والطفل لا حب له شي و تولع به
‏يشوفه اغلا من الدنيا و ما فيها

‏نخلق عذر قبل لا نخطي و نقنع به
‏ما نعترف بالخطايا .. لين نخطيها

‏شعور جداً خطير و مرحلة صعبه
‏تتعب من أشياء ما تقدر تخليها


.......

رد: فوق هام السحب ( الشعر الشعبي) على متن القوافي
 

‏حنا عــن الزلات باخـــلاقنا نشوم
يتعب ردي الحـــظ يلقــى ردانا

ماني على بعض المخاليق ملزوم
لاصــار نقال الحـــكايا ورانا

الصــقر عالــي والخرابات للبوم
وبالطيب والمعروف تندى يدانا


.......

رد: فوق هام السحب ( الشعر الشعبي) على متن القوافي
 

مهما تغيّرتوا أسلوبي هو أسلوبي
في دروبي الآمنة ودروبي الخطرة

ماعرف اداهن عشان آصل لمطلوبي
يا زين وجه البياض اللي على الفطرة


.......

رد: فوق هام السحب ( الشعر الشعبي) على متن القوافي
 

لا عاد تطرون عندي .. طاري الماطر
دام السحابه على الماضي ،، ترجعني

انا بـ حرب المشاعر .. ماني بشاطر
ادنى التفاصيل بين الغيم ، تفجعني

قد قالوا ان ( المطر يشرح لك الخاطر )
وشلون صار المطر لا طاح .. يوجعني


.......

رد: فوق هام السحب ( الشعر الشعبي) على متن القوافي
 

لفاني على طرق الغلا والهوا مرسال
وانا من شعور وحب واحساس لبيته

هلا مرحبا باللي على الذاكره ما زال
اتجدد غلاه الذاكره لا تناسيته

عن البال ما قد غاب واشغلت فيه البال
احس اني اشوفه كثر ما تهييته

شعور التفاؤل يجعل الحلم طيب فال
ياكم ذاق حلمي سكرة الموت واحيته


.......

رد: فوق هام السحب ( الشعر الشعبي) على متن القوافي
 

‏الرجل ما ينقاس بشماغ و عقال
يا مكثر العقله ويا قله الباس

الرجل اذا ما كانت اقواله أفعال
لا خير باقواله وافعاله افلاس


.......

رد: فوق هام السحب ( الشعر الشعبي) على متن القوافي
 

عطني على حبـك عهـود و مواثيق
لان الغلا في اخـــر الوقــت ضايع

في هالزمن كل المشاعــر تلافيق
والغدر مابيـــن المحبيــــن شايع

هذا الزمن اصبح زمــان المطافيق
باسم الغـــلا الكـــل شاري وبايع


.......

رد: فوق هام السحب ( الشعر الشعبي) على متن القوافي
 

كتبت لك مابين نبضه ونبضه
انك حياتي وأنك الحب وذوق

واشتاق لك في كل فتره ولحضه
ورسم خيالك داخل العين والموق

ملكته الوجدان طوله وعرضه
لاغاب طيفك هزني داعي الشوق


.......

رد: فوق هام السحب ( الشعر الشعبي) على متن القوافي
 

ستر المواجع داخل القلب راحـه
لـو يمتلي صــدري بها ماتكلمت

ماهو جديد القلب يخفي جراحه
ولاهو غريب الضحك مهما تألمت


.......