رد: فوق هام السحب ( الشعر الشعبي) على متن القوافي
 

‏
‏لا تنتظر رد الجمايل و الارباح
ولا تلتفت في طيبك اللي صنعته

الطيب بوجيـه الكريمين ما راح
ولا الردي ما ينفعك .. لو نفعته

......

رد: فوق هام السحب ( الشعر الشعبي) على متن القوافي
 

ما اتصيد للخطايا مثل بعض الضعوف
دام لي نفسٍ عزيزه ولي وجهٍ وجاه

ادمح الزله لا جتني واخليها تطوف
‏لين ينفد كل صبري وياصل منتهاه‏

الكفو لا شمت عنّه ملكته بمعروف
‏والردي لا شمت عنّه تزايد في عماه

ما يجنب لين تاتيه من بين القحوف
ضربةٍ منها يفك الخلايق من غثاه


خليل بن هدلان

رد: فوق هام السحب ( الشعر الشعبي) على متن القوافي
 

‏ان كان ماتجزا هل الطيش بالطيـش
‏عـزالله ان تبقـى من الهـــمّ نـــادم

‏العز ما يبغـى مداهَـن وبخشـيــش
‏العـز من دونـه هقــاوي تحــــادم

‏اقلط على الميدان وتقدم الجيــش
‏واقدم على صف العدا سيل هــادم

‏وان ثارت الهيجا ترى احمالها ريـش
‏لاترخي اعزومك ترى النصـر قــادم

‏عاند وصادم واقفل اللعب بالشيش
‏وان اقفلت بالشيش عاند وصـــادم

‏والا تراك ان طحت ماضـن بتعيــش
‏الا لـرغبـات الريــاجيــل خـــــادِم..

‏محمد صالح الزهراني

رد: فوق هام السحب ( الشعر الشعبي) على متن القوافي
 

‏وجه تحلف انك ماشفته فالاحلام
‏من زود ماهو بالجمال متجلّي

‏ماهو بحاجة كحل او لبسة زمام
‏لو تغرسه فالملح الابيض يحلي

‏من كثر ماهي ذوق ملبس وهندام
‏أغراضها من الشانز والبيكدلي

‏وجهة مايعرق فيه مغرب ولاشام
‏عليه من ختم الجمال المحلي

‏ان كان به زين مثل زينها خام
‏ماعاد تفرق من تجي او تولي

......

رد: فوق هام السحب ( الشعر الشعبي) على متن القوافي
 

‏الصدور اللي وفاها ملاجي للرفيق
‏ضيقوها اللي على كل عوجا يقلطون

‏عزتي للقلب الابيض وللوجه الطليق
‏لا حداه الله على عالمٍ ما يستحون

.......

رد: فوق هام السحب ( الشعر الشعبي) على متن القوافي
 

ان شبهوها جهد وان وصفوها حرام
هذي اللي لا قالو مخلاتن طروقها

يهدي نظرها الرضى وشفاهها الابتسام
الشهد في ثغرها والسحر في موقها

من ذوقها الناس خلوها محط اهتمام
ايلين صار البعض يلبس على ذوقها

عذروبها انها لا جات تسبب الازدحام
ويضيق صدر المكان وصدر معشوقها

......

رد: فوق هام السحب ( الشعر الشعبي) على متن القوافي
 

‏ماذاق شي من الترف والتدلّاع
‏على التعب والهم يرقد وياعي
‏
‏وضعه مع الدنيا معاناه وصراع
‏قسوه مهوب حوار عشب ورضاعي
‏
‏نومه اليا منّه نواله بمرماع
‏غفوات شاويٍ تحوفه سباعي

......

رد: فوق هام السحب ( الشعر الشعبي) على متن القوافي
 

الضايق اللي عيونه ،، حار مدمعها
يقول طب الحياة علاجها .. قاسي

يراقب الشمس .. مغربها ومطلعها
ويميل راسه على كتف السماء الراسي

صارت حروفه مَ تلقى روح .. تسمعها
معقول حتى البشر ماتملك احساسي !

احيان من شدّة الضيقة ودافعها ؟
وده يشوف الجماد .. يحنّ ويواسي


......

رد: فوق هام السحب ( الشعر الشعبي) على متن القوافي
 

‏لاتغـرك الـــدنيـا ....وتنفـخ ذروبـك
‏وأنت آدمي مخلوق من حفنة تراب

‏المال لــو شيخــك وأخفــى عيـوبك
‏النـاس تفـرق بالنظـر حــر وغـراب

.......

رد: فوق هام السحب ( الشعر الشعبي) على متن القوافي
 

‏مر الخيال بصورتك وأيقظ الروح
وإنزاح عن روحي ضبابة سماها

يامن تناجيك المشاعر لك البوح
عل وعسى في يوم تجلب رضاها

مفتاح قلبي بين أياديك مطروح
وأظن مافيه روح تجهل هواهـا

.......