رد: ديوان شعراء السعودية في العصر الحديث (متجدد)☘️☘️
توك تجي
توك تجي وش عندنا لك ترتجي لانا أنا ولا الزمان هو الزمان ولا المكان هو المكان ولا القلوب ذيك القلوب اللي توقد لك شبوب تقدرتعود ترجع تولّع أو تذوب توك تجي فوق الغيوم غابت نجوم تركت على عمري رسوم تحكي لطلاب الهوى قصة نوى قصة كتبناها سوا انت بجفا وأنا بعذاب توك تجي توك تجي .. لا لا تجي خلك كذا خلك شذا من غير زهور موجه على ظلمة بحور خلك على مر الزمن لحن وشجن عشته معاك ساعة هواك أحسن تروح عني بعيد أخاف تجيني واجرحك لا...لا تجي خالد الفيصل |
رد: ديوان شعراء السعودية في العصر الحديث (متجدد)☘️☘️
تساوت
https://poetsgate.com/img/divider_1.png تساوت عندي الدنيا تساوت وهي يومك قريبن لي تفاوت حياتي عقب نورك مثل ليلن جميع نجومه من أدنى تهاوت ألا يا ناصحن بالطب روحي تراها لو لقت طبن تدوات ولكن من يعوّضني بخلن معاليق الضماير به تلاوت أنا وياه من عهد الطفوله مثل قلبين في صدرن تخاوت يجي عقبه فرح وإلاّ حزاين تساوت عندي الدّنيا تساوت خالد الفيصل |
رد: ديوان شعراء السعودية في العصر الحديث (متجدد)☘️☘️
أحلى عذاب
https://poetsgate.com/img/divider_1.png احلى عذاب اللي رضّى لي حبيبي يجوز لي لا صار لعيون الاحباب تستاهل عيونٍ سهمها عطيب لا سلهمت بالرمش والرمش جذّاب من شافها يشوف شيٍ غريب فيها حنان وظلم ودموع وحراب وفيها كلام وسر وامرٍ عجيب لا جيت اعاتبها تراجعت بعتاب لا شفتها دنياي عني تغيب يلفني موج الهوى بين الاهداب إن كان ذبحي من عيونك نصيبي اموت لعيونك ولا أحسب حساب خالد الفيصل |
رد: ديوان شعراء السعودية في العصر الحديث (متجدد)☘️☘️
حول سحابي
https://poetsgate.com/img/divider_1.png حول سحابي واحسب اني وصلته وهبت هبايبها وشالت سحابي حلم على غفوة زماني حلمته ليت الزمان اللي غفى ما صحا بي في غمضة من ليل عمري سرقته لا شك حظي من عذابي وشى بي الليل يوم انه صحا بي جرحته والعمر في مجروح ليلي سرى بي من وقتي المجروح لجروح وقته يمشي وحظي بالعثاير مشى بي لو ان قيدي في يميني كسرته مير البلى قيد الغرام التوى بي الله من صوت على الشوق جبته والله على كلمة غلا في كتابي اطوح المسحوب مع كل نهته واسمع على همس الليالي جوابي يا معشر العشاق قلبي عصرته قطرات خفاق من الوجد ذاب على عشير بالوفى قد وعدته لو شبت أحبه مثل فتنة شبابي خالد الفيصل |
رد: ديوان شعراء السعودية في العصر الحديث (متجدد)☘️☘️
طال السفر
طال السفر والمنتظر مل صبره والشوق يا محبوب في ناظري شاب رد النظر خليت بالكف جمره سعيرها في داخل القلب شباب عز الخبر والمهتوي ضاق صدره يا من يرد العلم عن هاك الأحباب طيفه عبر ما أرسل مع الطيف عذره هو خاطره من لوعتي ما بعد طاب هو ما ذكر أن الجفا فيه كسره للخافق اللي من هوى صاحبه ذاب يا ما سهر طرفي على حبس عبره اردها والوجد للدمع جذاب دمعٍ حدر جاله على المنع جسره عظيم وجدي للدمع شرع الباب يوم وشهر عزاه والعمر مره والناس واجد لكن الولف غلاب خالد الفيصل |
رد: ديوان شعراء السعودية في العصر الحديث (متجدد)☘️☘️
يا قديم الغوص
https://poetsgate.com/img/divider_1.png يا قديم الغوص في بحر الهوى وش لقيت بغبة البحر الغزير علم اللي جس شطه واهتوى ما بعد جرب طويله والقصير قالوا انه من جميع أمر حوى فيه سر وفيه شر وفيه خير واسمع انه من ركب موجه دوى من فعل موجه غريقه بستجير واسمع انه من لمس شطه غوى ما يفرق بين بحره والغدير واسمع انه من على تركه نوى يجذبه سحره ويرجع له كسير لو تجرح فيه قلبه واكتوى ما يتوب ولا يريح ويستخير وش جمع حلوه على مره سوا هي حلاة الحب في الكاس المرير رغبوني لين قلبي له هوى وانذروني لين صدقت النذير خوفوني منه والقلب التوى راغب ومعيف والخايف يحير هو صحيح ان الهوى ماله دوى خبر اللي جاك عاني يستشير خالد الفيصل |
رد: ديوان شعراء السعودية في العصر الحديث (متجدد)☘️☘️
لوعة العاشق
https://poetsgate.com/img/divider_1.png قالوا لي العب قلت ما نيب لاعوبإلا مزوحٍ عند صافي الجبينيالاعبه و افرح إلى صرت مغلوبواشوف و جهه لى غلبني يزينيواطرب على ضحكه و هو حيل طروبوانادمه في لحظة أحلى سنينيحبيبي اللي كل ما فيه محبوبترخص له الدنيا و ما كان فينياللي يجيني كل ما غاب لاهوبأونس حرارة لاهبه في كنينيوكني على غيره من الناس مغصوبوكن العمر ياقف بليا ظنينيواصير بين يدين الأيام مقضوبوالليل يجلد بالسهر موق عينييضحك بي الشامت إذا قلت ما أتوبويحزن صديق العمر مما يجينيليته يغطي لوعة العاشق الثوبوإلا عيوني ما تبيّن حنينيوإن كان تعذيب المحبين مكتوبعلى عذاب الحب ربي يعيني خالد الفيصل |
رد: ديوان شعراء السعودية في العصر الحديث (متجدد)☘️☘️
مجموعة انسان
https://poetsgate.com/img/divider_1.png قالت من انت؟ وقلت مجموعة انسان من كل ضد وضد تلقين فيني فيني نهار وليل وافراح واحزان أضحك ودمعي حايرٍ وسط عيني فيني بداية وقت ونهاية أزمان أشتاق باكر وأعطي أمسي حنيني وأسقي قلوب الناس عشقٍ وضميان وأهدي حيارَى الدَّرب واحتار ويني واحاوم صقور الهوا حوم نشوان واسيّل الوديان دمعٍ حزيني في عيني اليمنى من الورد بستان وفي عيني اليسرى عجاج السنيني تهزمني النّجلا وانا ند فرسان واخفي طعوني والمحبَّه تبيني وإن ما عرفتيني فلاني بزعلان حتَّى أنا تراني أحترت فيني خالد الفيصل |
رد: ديوان شعراء السعودية في العصر الحديث (متجدد)☘️☘️
قريت خطّك
https://poetsgate.com/img/divider_1.png قريت خطّك بالوفا عشر مرّات في كل مرّه تنثر العين ماها ذكرتني هاك الليال الجميلات لو كان قلبي ذاكرن ما نساها من عقبكم ما عاد للعيش لذّات ما التذّ في دنيا مخالف هواها اليوم انا مثلك جداي التنهات عيني تهل دموعها من عناها هايم بعيد الدّار سهران ما بات أتبع هواجيسن بعيدن مداها نارن تلهّب بين الاضلاع زافات نارن لجت بالخوف العالي سناها خالد الفيصل |
رد: ديوان شعراء السعودية في العصر الحديث (متجدد)☘️☘️
يا صقر
https://poetsgate.com/img/divider_1.png يا صقر وا هنيك لك جناح تطير لى طرى لك نزعت وطرت يم الهوا بين قلبي وبينك فرق والله كبير لى كفخت انطلقت ولى كفخت التوى انت حايم وانا بالقاع دوبي أسير في صحاري زماني ذيب ليلي عوى فوق جوك سحاب وحدر جوي هجير القدم فوق رمضا والخفوق اكتوى الحذر يا صقر لا يشبكونك أسير ويل صقر يتله مربطه لى نوى برقعته الليالي فوق وكر قصير عقب صفقة جناحه بالهوا لى اهتوى كل حر إلى ضاق انتهض للمطير حومته بالسما ساعه لقلبه دوا وا عذاب الجناح اللي يجره كسير كلما فز مكسور النواهض هوى خالد الفيصل |
الساعة الآن 05:14 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية