|
ت هـ
تهناني الجمره على جرح قايح من سنين = تدغدغ احساسي وتنسيني آلام الوجــــــــــع وتهز باكتافي صليب المشاعر والحنيــــن = وتخلص افكاري ونفسي من اعراض الصرع احيان مر بمر ياتي بموجب سالبيــــــــــن = عشرة عمر مع هات واخذي وتاليها ولـــــــع ج ع واخوي امن الطرق شكلك مشبه علي ومع ذالك انت اخ وعزيز وامنعنا من قسايم السرعة ههههههه شمــــــــــــــــــــــــــــــــــــــــــــــــ ــــران العصاة بدوان وسراة |
جعل السنين المقبله يادماوي ******* ترضي خفوق اللي سباه الهوى سبي والاقي اللي لجله اصبحت غاوي ******* ريم الفلا لقبتها واسمها الظبي |
ب ي
بيض النعام اشبه لخد المداوي= اللي جرح قلبي وشده ورى العُبّي غض النهد خشف الظبي يالهواوي=اللي كبا قلبي بشوفه انا كبّي ب ي |
ب ي
بيدي دواي وداي قلبي وروحي حايرة = ودي ولا ودي واشاور واخاير ايـــــه لا اجود والا اجوز عن حب ذي واخايــــرة = شختك وبختك قمت الاعب بحالي للملا كني غرير وكل من جا وراح يسايــرة = وان قلت بالعبها واخليه قلبي ماســـلا لله درك ياهوى البال روحي طايـــــرة = وتحوم مع موجة هواكم ومع قولة هلا ل أ |
لا والله الا طول البعد يازين ***** ودايم نقول ان السبايب مقادير ان كنت ناوي هجرعلمني الحين ***** ماعاد تنفع ياحبيبي المعاذير ي ر |
شاعرنا الكبير ابو حيدر تحياتي
ارجو ان تعدل المشاركة بحرف [color=0000FF]ل ا[/color] لاني سبقتك بالرد ولكن متاكد انك ماكنت تدري لتواجدنا بنفس الوقت ونفس الصفحة او احد المشاركين بيكفيك وساعتها عليك الاقتداء بحرفين المشاركة اللتي ستورد او تلاحقبها انت وتحياتي الحارة ويعطيق العافية على مشاركتك لنا انا وناظم الهمسات ونايف وامن الطرق والبشكة |
والله ياعيوني انها زغللت يابوحيدر المعذرة من كثر مابطيت عالنت صرت اشوف الام با
اكرر اعتذاري وانت رديت والا مطلوب بحرفينك الاخيرات ي ر |
ي ر
يرحمك يا وقت(ن) مضالي ولا عاد = وكفن معاه احساس واخبار خلان الطيب راحوبه هل الطيب والحيــــن = الحر عايش تحت بومة وحديــــــان ليت الملا ملاي والبر والمزيــــــون = والقلب يقعد مع هل الكيف طربـــان أ ن |
ي ر
يرتجف قلبي ويرجف من سبب رجفه هنوف=كل ماحست غلاها في وسط قلبي جفت للاسف طبع التغلي عندها فاق الوصوف= الهنوف اللي لقلبي في سما شعري صفت ف ت اشكر جميع من يمطرنا بابداعه ويساهم معنا في هذه الصفحه التي تتعطر بابداعاتكم جميعا |
ا ن
انت السبب ياجابر القلب يهجرك= طعنات كفك في الصدر لوعتني تكسر بقلبي واتحمل واقدرك=بالفعل والله بسمتك ضيعتني ن ي |
نيشان حب العذارى متعب{ن} حالي = يصيب مني سواد القلب بطعونه راحت بي الذكريات المستوى العالي= لين ارتجف خافقي يا من تعذلونه |
ن ي
نيتي اصفى من الماي القراح الـزلال = ما يشوب صفاها كيد ساحر وزيد لي حمية وغيرة مع بنات الحــــــلال = احتمي عرضهم وازيد غيرة وازيـد والدراويش في بعض المواقف خبال = والله ماعندهم غير الفطا والسريد ي د تحياتي لك ياناظم الهمسات ويابوحيدر ونايف وامن اطرق والبشكة |
اسف على التعدي ياشيهان شمران انا اليوم صراحة مادري وش فيني مخربط الله يسامح بعض الناس والادارة
|
يدري حبيبي وش اللي سبب الفرقا ====== غصبا عليه بعاد الزين وفراقه روحت غرب الوطن وصويحبي شرقا ====== اقدار مع ظلمة الايام بواقه على فكره يا دماوي كلامك صح بس لما شفت ابياتك غيرت الشطر الاول والسبب كان اني انا وانت نكتب في نفس الوقت وبصراحه انا ووالله ماهي مجامله معجب جدا في ابياتك وهذا السبب اللي شدني للمشاركه معكم انت وناظم الهمسات تقبل تحياتي ق ه |
ق هـ
قهرتني يامالك القلب ارجوك=ترحل مع غيري وقلبي ملكته احب من حُبك عواذل يحبوك=واحب نظمك للشعر لو كتبته الله يرحم خيك وعمك وبوك=ارجع ترى قلبي لفقدك فقدته ت هـ اهلا بكم جميعا وانا معجب بفيض اعضاءنا الكرام وابداعاتهم |
ت هـ
تهت في بحر العيون ومركبي قارب شراعي ====== الشواطي مظلمه واصبحت فاقد أتجاهي هزت اركاني بمد وجزر وتزايد صراعي ====== ليتني في غفلتي باقي ولاشد انتباهي هـ ي |
هي نور عيني واحلف بخالق الكون = أن الخفوق اللي بجوفي هواها
نسمة غلا فاقت على كل... مزيون = كل العذارى والغواني .....فداها |
هـ ي
لعيون لبنان اقول هيدا كلامـك يأبـش الألب يادل= ياللـي ابشـت بداخـل الصدر البي حكيك مطر لوهل - لوهل - لوهل= ازرع فضا وارويك من كاس شربي ياغصن زيتون الكرامه معك طل=كل الحكي المعسول في حوض عشبي ب ي |
سبقني بها شيهان شمران
وسأرد على قافيته هـ ا هانت عليك دموع عيني ياكذاب= وانا سبب دمعات عينك عذرتك تمساح تذرف دمعتك دون اسباب= غادر انا مليت منك وكرهتك ت ك |
بي من جروح الزمن يا الذيب مارية= = خذني خوي في مهب الريح نتعاوى
شيهان شمران يا الربع ..الشماريه== حاله من الجو ر..... لا ميت ولا شاوى |
شيهان شمران بدأت المنافسه تشتد واختلط الحابل بالنابل
لاعدمنا ابداعك و ى وأد البنات بداخل الارض ممنوع = وانا وأدت بنيتي وسط صدري غطيتها مع تربة الجلد بظلوع = واهديتها مع اخر الدفن عذري احبها واضوي لها الشعر بشموع= واهديلها في تالي العمر قدري ر ي |
ناظم الهمسات
تحيااااااااااتي يا بعدي وأسمك يبعث على قول الشعر ريحانة القلب لاهبهب بها الذاري === يفوح عطر النسيم اللي ....يعطرها يا ناظم العشق متعة وأنت به داري === من بادي الوقت والمشتاق خابرها |
هـ ا
هانت عليك دموع عيني وغادرت =وانا الذي هليت دمعي عشانك ن ك |
ن ك[size=5]
نكفخ بجنحان المشاعر ونعتلــــــي ===== وننقى سمان الهرج ونذكي اسمنة ونحوف خولاني على هيل واشخلي ===== ونمد باليمنى على الصدر وايمنـــة واتلا حثال الكيف ماله مداولـــــــي ===== ونجدد الترحيب والبن نسحنـــــــــة[/size] ن هـ تحياتي لابو حيدر والقلوب عند بعضها وتحياتي لناظم الهمسات وشيهان شمران واسف على غيابي عدلت النك نيم لاسباب واتمنلى نتواصل دايم واقبلو مشاركاتنا المتواضعة واحيي مشاركاتكم وكل الاخوان الرايعة والجميلة والمدوية |
ن هـ
نهبت قلبي نعل ابو دار حاويك=وتركت غيرك يبدع بطعن قلبي وشلون تأسر صاحبك وسط ايديك=واتسلمه عذال للطعن تشبي ياما اسرتك في كفوفي واداريك= ويخسى عدوك يوم اسقيه شربي انا احبك والقهر دوم احميك= وانت القهر تشتاق تشتاق حربي واليوم ناظم كرر الحلف يكويك= في وسط ساقك ربما معه تكبي ب ي تحياتي لكم جميعا وانا مستمتع بشذراتكم التي بللت هذه الصفحه ناظم الهمسات |
اشكركم على هذا الموضوع وسبب تاخيري ظروف كانت لديه
بغيت اقول الحقيقه بس ممداني يوم الحقيقه تعاتبني وعاتبها حاولت اجارى الزمن لكن تحداني والشوق في مهجتي اصبح يجاذبها هـ أ |
هاج الحنين بخفوقي وانقلب عله =======وانت اعرف الناس ياخلي بعلاتي في داخل الجوف سرك دقه وجله ======= يسخن الشوق حتى يحرق آهاتي ت ي ادخلت انا وشاعرة االمشاعر الابيات مع بعض لكني غيرت سبقتني وتستاهل ابياتها اجمل من ابياتي |
مرحبا شاعرة المشاعر عوده محموده
ت ي تيهي وسط ارضي وانا معك باتوه = يكفي لقا في دفتر الشعر يكفي الناس حست بيننا شي مشبوه=من كثر وصفك في الورق بان مخفي ياناس ظـن السـيئه شين خـلوه= اكـل اللـحم ياناس احـتل نصـفي ف ي |
ف ي
في القلب طاقة كامنة حقد واشواق = لإني جمل والحقد مايحملة هطهــــــــوط وشوقي يشم الحيل من هند الانـــــواق = من مشي ليلة حبي والساق مربـــــوط حيث ان مزوبد المهادل خطر لا ضـــاق = يعرك بزورة كل من قابلة ويســــــوط ياناشد(ن) عن موضة القلـــب والاذواق = ينهت على هدبا علاها الوشم مخطوط العنق فارع والشحم هازع(ن) بالساق = والقد مقطوع النسم به وممطــــــــــوط وفي مشيه اكثر مايخليك تشتــــــــاق = ادعج غنج والشعر ناعم وممشــــــوط ماودي ازود على كيلة الاســــــــــواق = خايف من الحسبة تعهّد علي اشــروط لكنّ في بوحي طلع جايري وانطـــاق = حمّض علي الزاد والحين انا مبســـوط و ط[/size] وتحياتي لكل المبدعين |
و ط
وطيت راسي لجل سيفك تغذيه=لاتحسب اني من اذى السيف خايف سيف العشق مايقتل اللي يشبيه=وانا حملت السيف فوق الكتايف لاتقول ناظم همسة الشوق تنهيه= انا جبل عالي على الغيم طايف يوم انصحك لاتصعد لفوق ياهيه= حد الجبل مايصعده قلب زايف ي ف |
ي ف يفداك عمري ياهوى البال يفداك =========== وتفداك كل الناس ما دامني حي الله يزودك السلامه من اعداك =========== يامنية مرادي وقلبي ورو حي ح ي |
ح ي
حيرتني في رحلتك دون عنوان = تركتني تايه وسط كل ديره انشد عن طيوفك واغني مع الجان= وينه حبيبي للاسف طار طيره ر هـ |
ر هـ رهبة لقاك من اول تزيدني خوف ====== واليوم في رهبة لقاك اشتياقي ما شوف غيرك ياهوى البال ماشوف ====== انت الوحيد اللي في القلب باقي ق ي |
ق ي
قيمة غلا قلبك دفعته انا كاش= وياللاسف يالفاتنه ماتبيني رحتي لغيري يطلبك وصل ببلاش= روحي ولكن سددي اليوم ديني ماعاد وصلك يطرب قلب لو جاش= كنك دمع واذرفك من وسط عيني ن ي |
ق ي
قيمة غلا قلبك دفعته انا كاش= وياللاسف يالفاتنه ماتبيني رحتي لغيري يطلبك وصل ببلاش= روحي ولكن سددي اليوم ديني ماعاد وصلك يطرب القلب لو جاش= كنك دمع واذرفك من وسط عيني ن ي |
ن ي نيران في داخل خفوقي ولوعات ===== لوعات فرقا زودت شبت النار هني من يلقى الغضي بضع ساعات ===== يبدي له اللي يدفنه له من اسرار ا ر |
ا ر
ارتبت انا واجتاحني منك وسواس=لحظة لمحتك تنطق بشعر غيري اول تبي تحفظ قصيدي من الراس=واليوم غيري علمك هجر طيري ر ي |
ر ي ريانة(ن) لوشفتها يا ابراهيم ======== يمكن تبطل من حبيبك وتنساه عيونها لا ناظرت تشبه الريم ======== ولاسلهمت من شافها قال ويلاه ا هـ |
مساكم سكر جميعا وأتأسف للتأخر
أهل دمع العين من جور الأيام ===== وقتي جفاني والحبيب جفاني أسهر وكل الناس هجع ونيام===== حالي غدى مابين ظالم وجاني |
ن ي
نيله على حب(ن) تخاطفه كل النــــــاس = ونيله على قلب(ن) وسيعه مذاهبــه ودّي احسب انك لي واتغطرس تغطراس = مير انت في كل العناوين كاتبـــــه في الزاوية والمتن والراس للـــــــــراس = الحب سمسرتيه بعروض كاذبــــــه منتي مغلف والحلا لا تكشّف ســـــــاس = بس اشهد انك رجل فاطلق مضاربه انبش شذر قلبك وبرشامك المنــــــداس = في جيبك المصنوع بايدين خايبـــه ماينطرد في قلبي الفار بالمكنــــــاس = انا اطرد ابقلبك ثعابين هاربـــــــــه تضحك ومن خلف الثنايا سموم وبـــاس = بس احذقه قبل التهي بالمخاطبـــه ظفّي كتابك ماني اغوا قصص واهلاس = اقرا كتب بنت الاصاله لتايبـــــــــه ب هـ |
| الساعة الآن 02:07 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية