رد: ديوان / نجم حرب
 

الله الله
درر لله درك
أخي الغالي نجم حرب
حوار رائع وجميل جدا
صح لسانك وعلا شانك

رد: ديوان / نجم حرب
 

اشكرك وصح بدنك ولاهنت /

تحياتي لك :

رد: ديوان / نجم حرب
 

يارموز العرف والراي السديدي
حكمكم نرضاه وانتم تحكمونه

رايكم باللي قفز فوق الجليدي
اطيبه والا الذي فوق الليونه

ورايكم باللي نظر نظره بعيدي
اطيبه والا الذي نظرته من دونه

ورايكم باللي نظم جزل القصيدي
اطيبه والا من شاهد في عيونه

ورايكم باللي يفيد ويستفيدي
اطيبه والا من يريد المعونه

ورايكم باللي كنه شك الرصيدي
اطيبه والا الذي كثرت اديونه

ورايكم باللي طبعه دايم عنيدي
اطيبه والا اللي بطبعه مرونه

ورايكم بالحر والباس الشديدي
اطيبه والا من رضي بالمهونه

وسلامتكم وانا عندي المزيدي
وانتم عندكم كثير وتعرفونه

نجم حرب
نايف عبدالله السليمي

رد: ديوان / نجم حرب
 

صح لسانك ي الشاعر نجم حرب
بيض الله وجهك مبدع
الله يوفقك وإلى المزيد من الإبداع

رد: ديوان / نجم حرب
 

على هامش التفكير واحساسي المرموق
ابسجل ابياتي على كيف ماودي

على منهجي ماحد نفسي على مخلوق
اقيس الامور وثوبي افصله قدي

الملم اوراقي فوق مكتب عبير الشوق
اكز الرسايل لو مايجيلها ردي

اصوغ القوافي لين تلعب مع الطاروق
يشد اللحن اذواق من يسمعه شدي

الا ياهل الاحساس والمعرفه والذوق
انا لوصبرت المساله صايره ضدي

انا ماذبحني غير من يشبه الغرنوق
صادفني وصادفته وانا رايح امعدي

بديت السلام وقال هايدا شخص مطفوق
عم بيحاول يغازل وانا هيك مابدي

وانا اقول ماغيرك لفت ناظري بالسوق
تعوذ من الشيطان وهد الوضع هدي

ترى كل مطرودٍ على قولهم ملحوق
وانا اقول لازم حطت ايدينك بيدي

لفت يمي وقال انته العاشق المعشوق
هيا دلني دربٍ على بيتك ايودي

على هذي الحاله فرح قلبي المحروق
صرنا اصحاب لو جدك ماهو يقرب لجدي

تدلل وخل الشعر ياصاحبي مطروق
على وجنتك وبين الامتان والخدي

على السنه وضعنا وعلى مذهب الفاروق
ترى ديننا الاسلام هو حدك وحدي

نجم حرب
نايف عبدالله السليمي

رد: ديوان / نجم حرب
 

رد: ديوان / نجم حرب
 

صح الله لسانك يا راعي الجزلات
مبدع وجزل ومميز بارك الله فيك
لك كل الشكر والتقدير