رد: اخترنا لكم
 

الطيب ماهو مُحتكر للرجاجيل
حتى بنات الجـــود فيهن حميا

.....

رد: اخترنا لكم
 

على الثرى وعيُوننا فالثريّا
مانعشق الهيّن ولا ننتمي له

.....

رد: اخترنا لكم
 

‏مشيت بالدنيا وتعلمت وارتحت
اهل المصالح لاخذوا شي راحو

.....

رد: اخترنا لكم
 

بڪيت من ڪلمةٍ ما تڪسر الخاطر
وضحڪت من ڪلمةٍ ما ينضحك منها

.....

رد: اخترنا لكم
 

تلوح البروق وصدر راع الهوى ميلاف
‏ليا لاح بارق مزنةٍ قام يرجيها

‏عساها على دار الغضيّ كامل الاوصاف
‏تدفق عبايرها وتسقي مراعيها

.....

رد: اخترنا لكم
 

‏يا مْـدوّر الهين ترى الصعب حِجّـة
ما هي بسهلة للصّعايب مـواجيب

ما يِعسف المركوب مَن حط سِرجه
الخيـل شُغل معــوّجين المـراكيب

إمّــا يْــروّضهــا علـى كل سِــجّـــة
ولا حداهــا حادي العيـس وتْطيـب

لا هِنــت يـا خيّـــال في كل هِـجّــة
خيالهــا اللـي شيخــوه المعـازيـب

.....

رد: اخترنا لكم
 

عذاب القهر قد زاد إضطرابي
وشاب الرأس في سِّنَ الشبابِ

فليسَ الحُزن يَتركني بشأني
بل إنّ الحُزن يَسعدُ بِإكتئابي

فقدتُ سعادتي في عز فقدٍ
بِفُقدي للرفاق وللصحابِ

وغابت شمسها في يوم غابوا
وحلّ ليلُ حُزني بالغيابِ

.....

رد: اخترنا لكم
 

والله ان ماهي شجاعه ولافعلٍ سمين
لارمى الرجل إبن عمه وبن عمه رماه

لاكن الدنيا والاقدار وأبليس اللعين
أبتلت حتا ضعيفٍ ملقيها قفاه

ماحدا يضمن بلاوي الزمن لوهو فطين
الزمن دوار والموت مامنه نجاه

.....

رد: اخترنا لكم
 

‏للسوالف معك لذّه وطربه وانتعاش
لو تخربط فالسوالف احب السالفه

في عيون اللي يحبّك فهاوه واندهاش
والجوارح في وجودك غدت متخالفه

من غلاك اشوف ذا الناس في عيني بلاش
وكل من جاني يوالف عجزت اوالفه

.....

رد: اخترنا لكم
 

لو يجتمع في داخل الصدر قلبين
ماغير نبضك في حشا الروح لايق

وأن كان روحك ضيعتها العناوين
تعال تلقى في ضميري حقايق

.....