رد: اخترنا لكم
 

العين يـا عين الـغلا عـافت النوم
والبعد يا بعد العـنا هـو سـببـها

الشوق يذبحني ولا عـاد لـي لوم
ليتك معي يا نار شوقي وحطبها

.....

رد: اخترنا لكم
 

أحلى القلوب اللي بها خشية الله
وأحلى الكلام اللي نقوله بذكره

وأجمل شعور اللي مع الله كله
وأجمل محبة حُب ربي وشكره

.....

رد: اخترنا لكم
 

كل حبٍ غير حبك ينكشف لي زيفه
‏وكل طيفٍ غير طيفك مايهزّ إحساسي

‏وكل وجهٍ غير وجهك فالوجيه اعيفه
‏وكل صوتٍ غير صوتك ما يقنّد راسي

.....

رد: اخترنا لكم
 

أول دروب الخطا بتعلمك بالصحيح
‏وآخر جروح الوفا بتردك من الضياع

‏من يوم عقلي غلب قلبي وانا مستريح
‏طافت همومي على صدري طواف الوداع

.....

رد: اخترنا لكم
 

تضيق بوجهي الدنيا والاقي في رحابك باب
‏واحسك مثل شيٍ كان ينقصني وكملته

‏اجي صوبك وانا لوجهك يسابق وجهي الترحاب
‏واشوفك مثل نجمٍ فالسما كم لي تخايلته

‏حبيبي والمدى حاِلك وانا في غيبتك مرتاب
‏ولا غيرك هوى قلبي ومن قلبي أنا نلته

.....

رد: اخترنا لكم
 

مامرك الشوق يسأل عن شعور الغياب
‏ماقلت خذني لها وان عيّت لطيفها

‏حتى لو الوصل صاير مثل طرد السراب
‏الارض ما ملّت شتاها ولا صيفها

‏عطني يدك واترك الاوهام والارتياب
‏ماقدر اخليك لافكارك وتحريفها

.....

رد: اخترنا لكم
 

ولا تنشد عن هزائم وقفتي وإلَّا انتصاري
‏الجروح اللي على خبرك على خبرك قديمة

‏هات لي عمر انتظاراتي وشعري واعتباري
‏والحقيقة لو عواقبها على روحي وخيمة

‏كل درب ما يجيب عيونك النجل اضطراري
‏والدروب اللي تجيبك يا آخر أحبابي كريمة

.....

رد: اخترنا لكم
 

اشوف الليل باطرافه على ضو القمر يلتو
‏على ما تشتهي يا ليل حقق كل غاياتك

‏علامك يا سواد الليل من نور القمر تشكو
‏صفاه إلهام للي يشتكي من جور ظلماتك

‏الا يا قلبي الطيب من الطيبه خطاك السو
‏بياضك في سواد الناس هو سبت معاناتك

.....

رد: اخترنا لكم
 

‏ في غيابك ماني إلّا غصن في رجوى سحابه
‏ما فقدت إلّا السحاب وما أنتظرت إلاّ هطوله

‏خاطري مملي كلام وغيبتك فيها غرابه
‏أزهر احساسي معك والورد يخشى من ذبوله

‏كم سؤالٍ ودّي اقوله وأنا عارف جوابه
‏وكم جواب ٍ ودي اعرفه ولا ودّي تقوله

.....

رد: اخترنا لكم
 

دامني مؤمن بربي و قانع في عطاه
‏كل هم يضيّق الصدر بعطيه ظهري

.....