رد: اخترنا لكم
 

‏يا وقـت امانه هــل تَغيـرت او الناس
هي مـن تغيــــر حالهــا والطبيعه

زمــان كان الطيـــب عـــــزه ونمواس
واليوم صار الطيـب مكر وخديعة

ياوقت ليت تشوف كيف صارو الناس
ضاع الوفاء فيهــم وقاموا ببيعه

قلبي من افعـال البشــر صابه الياس
والروح من كيــد الاوادم وجيعه

.....

رد: اخترنا لكم
 

‏تعال يالحـظ القوي وانطح الفال
ماعاد لي بمواجـه الصبــر حيله

شوقي علـى فرقا المحبيـن قتال
وابغا اعيش الوصـل بأية وسيله

ياشوق سـوا دخــل الصدر زلال
ياشوق هدي عالضلوع النحيله

ادري بأن البُعد والهجر قد طال
يا شوق حظــي مال ربي وكيله

.....

رد: اخترنا لكم
 

‏عودتني لاضـــاق حالـــي نصيتك
واليـــوم جيتـك مالقيتك ولاريت

بعدت عنــي ماعرفـت اين بيتك
وبجيتك من شوف عيني تواريت

ياحـظ مـن فرقـا حبيبي نخيتك
يكفي من الهجـران ماقد تلقيت

حاول تجمــع شملنا به فديتك
ياحــظ لانا حـي دونه ولا ميت

.....

رد: اخترنا لكم
 

‏يارب فرجهــا على ضايــق الحال
اللي همومــه في خفوقـه دفينه

سهل امـــوره يا إلهـي والاحوال
وامـلا حياته بالفــرح والسكينه

يارب لاتبلـي عبــادك بالاحمال
ولاتجعـل الدنيـا لعبدك تهينه

واعطيةياربي من الرزق والمال
وارفق بعبدك في حياته وعينه

.....

رد: اخترنا لكم
 

‏خذ ياسحاب الشوق من قلبي الشوق
وارحل جعــل مسعاك درب السلامة

صــوب الذي له شــآن ومكانته فوق
وسط الضلوع العـــوج ساكن غرامه

قله قسم قلبي من الشــوق محروق
والنار تنهــش في الخفــوق إلتهامه

والجسم كامل صابه الياس والعوق
والقلب ينـــزف داخلي مـن سقامه

.....

رد: اخترنا لكم
 

‏تعـال يا قلبي ترى القلب مشتـاق
‏والشـوق يمـك يـا غناتـي دعانـي

‏القلـب ينبض لك من الشوق خفـاق
‏والشـوق يمـك يـا حبيبـي خذانـي

.....

رد: اخترنا لكم
 

انت روحي وانت عمري وانت مودي
وانت نبض القلب ولا لك شريك

لو تقاسم عشقي الشعب السعودي
كان كل الشعب صار يموت فيك

.....

رد: اخترنا لكم
 

‏تمنيتك وحلمــــــي فيــــك طول
وحظـــــي ماتحقق فيـــه حلمي

عليـــــك الله ياحظـــــــي تحول
ترى يأســـي هـدم بي كل عزمي

محبتها تزيــــد اكثــــــر من اول
وشوق القلب هش اليوم عظمي

ونار البُعد في الاضــــلاع تشعل
ومن جـــور الفـــراق ازداد همي

.....

رد: اخترنا لكم
 

‏مهما خذا البعد منـك أو خذا مني
ما راح ياخـذ غـلانا مـن مـحانينا

شفني على باب قلبك واقف أغني
إنت البدايات وآخر ساحل ومينا

.....

رد: اخترنا لكم
 

‏لأجل عين اللي على عيني يمون
العيـون احـرمتهـا حلـو المنــام

ساهرٍ بين العــواصف والسـكـون
والمـودة نـارهــا بــرد وســلام

انتقـي عذب المعـانـي واللـحـون
وانظـم لعينه طواريـق الغـرام

.....