رد: اخترنا لكم
 

‏هنيّ الغشيم اللي ليا ضاق صدره غاب
‏ولا بدّ تلقى ضيقته ما يوسعها

‏ينام ويجي بينه وبين الحياه حجاب
‏ليا عافت جنوب النشامى مضاجعها

.....

رد: اخترنا لكم
 

‏أنا أعرف كيف ينساق البحر كلّه لبحة ناي
‏وأنا أعرف من هي اللي تقتل أشعاري وتحييها

‏إذا ما ارضي غرورك لا كتبتك تنكسر يمناي
‏وربك ما تخون القوس هقوة كف باريها

.....

رد: اخترنا لكم
 

‏اقبلت واستغفرالله كنّها حورية
‏والشعر مثل الذهب يلعب على الأمتاني

‏إن تثنّت كنها مأمورةٍ منهيّه
‏وإن تمايل عوددها يالله لا تبلاني

‏جيدها فتاان والفتنة تجيب السيّه
‏والبروق تلوح بين الخوخ والرماني

‏قلت وش هالغنج قالت كذا عفويّة
‏بنت مملوحه جميله والجمال اطغاني

.....

رد: اخترنا لكم
 

‏ملكني غرامك لين صرت املك استعداد
‏اناصر ضحايا الحب وافهم مجانينه

‏ادور لجرحك من يدين الطبيب علاج
‏واثر ما يضمد جرحك الا سكاكينه

‏انا قبل اعرفك كان قلبي عيوف وصاد
‏وبعدك ماصرت اعرف الا الله يعينه

‏ لكن الله الي مكنّك والله اللي راد
‏ تخلينه يحب الحياة وتخلينه

.....

رد: اخترنا لكم
 

بشروك بما تحبين يا الحب الوحيد
‏انتي اللي عن جميع البنات مْغايره
‏
‏قفلي باب السوالف بقفلٍ من حديد
‏وقولي احبك وحطي عليها دايره
‏
‏وانزلي من حبل الافكار في حبل الوريد
‏واسبحي فعروقي اللي دماها فايره
‏
‏طيّشيني فيك لين اتريّح واستهيد
‏لي سنه مغير ارد الهموم الغايره
‏
‏ورافقيني موقفي صعب واحلامي بعيد
‏جعلني ما احلم بحاجات ماهي صايره
‏
‏ينجرح قلبي ليا شفت تلويحات الايد
‏كل ما تبحر سفينة وتقلع طايره

.....

رد: اخترنا لكم
 

‏عسى الهجره اللي بين صلب ودكاكة عرق
‏عليها القنوف تنثر الماء سحايبها

‏ياكم ليلة حررت فيها قيود وطرق
‏قبل تنكر وجيه الليالي حبايبها

‏سبب وجعتي هجراع خلج وسجايع ورق
‏وصدة ظروف تحسب اني سبايبها

‏وانا والله ان حتى الهوى اللي يجي من شرق
‏افز ابه كنه واحد ٍ من قرايبها

.....

رد: اخترنا لكم
 

توَّدد لي وأنا ودّي لو الدنيا بيدي تفداه
‏له من الودّ ما ودّي أغنّي فيه موّالي

‏أحبّه مثل ما ربّه كتب لي بالحياة رضاه
‏قدرت اقرى مكاتيب الهيام بعينه لحالي

‏غلاه اغلى من اغلى شيّ عندي عشت له والله
‏وفيت لفيّته وأفنى هجير العمر باظلالي

‏سليت الناس بوجوده وإذ قفّى عجزت اسلاه
‏يجي في زحمة الدنيا ويتمركى على بالي

‏تحت أمره فدى عمره وش ايامي أنا لولاه
‏حلاله مابداله لو أذوق المرّ يحلى لي

‏تودّد لي وانا ودّي أمدّ احلامه ليمناه
‏واقول الله يقويني ويبقى دايم قبالي

.....

رد: اخترنا لكم
 

‏كيف لا مرّ السهر من دونك أستعذب نعاسي
‏وأنت تدري ما لعيني من بعد عينك مسرّه
‏
‏كل ما طال السكوت بسور صدري طال باسي
‏كنّي اللي راضي التعذيب من قوّ المضرّه
‏
‏والله إني ما تحلويت الجفا لو كنت قاسي
‏مير قلبي من كثر حبه عجز منْك يتشرّه

.....

رد: اخترنا لكم
 

‏ أحتاج لأطيب خوي وأحتاج لأفضل حبيب
‏ لين الغلا والهموم يقل مفعولها

‏ يا صاحب الخاطر المكسور خلك قريب
‏ عندي قصيده حزينه يمكن أقولها

.....

رد: اخترنا لكم
 

‏نصبح ويصبح ســاير الكــون لله
‏هو العظيم اللي فلق نور الاصباح

‏الواحــد اللــي ماله انداد واشباه
‏سبحــانه المعبــود خلاق الارواح

سبحانه