رد: اخترنا لكم
 

‏والله يالولا هاجس الشعر والبوح
‏تبطي جروح الجاش ماتندمليا

‏تاخذني الطرقه واعرٌج على الروح
‏نفسي تروم العز بكفوف مليا

‏تطلع بي اقدامي على نايف الصوح
‏ماارضى الطمان ولانزول السهليا

‏اهوا الشموخ وكل طيٌب وطحطوح
‏واكره وجيه مجمعين الفشليا

.....

رد: اخترنا لكم
 

‏ما الله كتب لي فيك حظ ولا نصيب
‏الواقع أصدق من يا ليت وربما

‏حتى لو إن إحساس قلبي ما يخيب
‏سفك الشعور أشد من سفك الدما

‏والغيمة إللي تاخذ شوي وتغيب
‏ما تغري الأ الميتين من الظما

‏أحيان حتى إللي تحس إنه قريب
‏يمكن يكون أبعد عليك من السما

.....

رد: اخترنا لكم
 

‏ماعاد بيني وبينك غير رد السلام
وابياتي اللي مع العالم تشوفينها

اخذي هدايا الجفى ماهي هدايا الغرام
وروحي مراح الظنون اللي تظنّينها

.....

رد: اخترنا لكم
 

‏يمرني وقت ماخذ فكري الشارد
‏حنين الأيام وعيوني لها غرقى

‏ماردني عنك كود احساسك البارد
‏ولا أنا شخص مايقوى على الفرقى

.....

رد: اخترنا لكم
 

‏انا لي شهر وسبوع مدري شهر وليال
‏وانا احوج من المحتاج واشفق من العبري

‏على الغره الي ساجد فوقها السلسال
‏وعلى نهايت السلسال والناحل المبري

‏ومظالليل عكش ٍ سلهمتها دمار اجيال
‏وعلى خبري الي فات والي بعد خبري

‏بخيلة عطاء فالوصل حتى على الجوال
‏وانا فالمحبه قلبي اكرم من الوبري

.....

رد: اخترنا لكم
 

‏ان صد عنا اللي يجينا بوجهين
‏اللي يغيّره المسا والصباحي

‏قريح خطه للمقفين سيدين
‏مخصصاتٍ كلها للمراحي

.....

رد: اخترنا لكم
 

‏حطني بين المعنق وبين الخوختين
‏وانثر السود الجدايل عليّ وفلها
‏
‏يا جميل الوصف عز الله ان الزين زين
‏رش روحي من سحابك وكبدي بلها

.....

رد: اخترنا لكم
 

‏يا فاتنه غضّي عن العالم العين
‏وعيشي ما بين الغطرسه والتغاضي

‏توقّفين الشارع إللي تمرين
‏وتحركين العالم الافتراضي

‏من يوم جيتي طاح كرت المزايين
‏تحولوا من جيّتك فعل ماضي

.....

رد: اخترنا لكم
 

‏حتى لو أنك بعض الأحيان فيك إنَّ
‏ماينتهي دورك ولا يحترق كرتك

‏تدري وش اللي لذا الحاله موصلنا
‏أنك تشاويتني وأنا تكاثرتك

.....

رد: اخترنا لكم
 

خد البسيطه سافي الجوع يسفيه
‏يموت فيه المستحي ما تغانا

‏يفداك يا خدَ قسى الوقت قافيه
‏ تفداه حتى روسنا لو بغانا

‏خد من القطب الشمالي ولا فيه
‏ الا صبيٍ من مواليد غانا

.....