رد: اخترنا لكم
 

‏الصيت باقي فالزمان البايد
‏والطيب حظ اللي يبيّن فوده

‏خلك على هامة مجالك رايد
‏ولا تدوّر فرصةٍ محدوده

‏ما يذكر التاريخ غير القايد
‏ويهمش التاريخ فعل جنوده

.....

رد: اخترنا لكم
 

‏ودّعت رغباتي عقب هدّت الحيل
‏لوّحت للأحلام ليلة حصادي

‏ما عاد تشفع للقصيد المواويل
‏ما يوصل الإحساس لو كان عادي

‏الجرح ما يشفيه حضن المناديل
‏والخوف ما يخفيه كثر التمادي

‏يا غربتي مشتاق للي مضى حيل
‏إشتقت لبْلادي وانا في بلادي

.....

رد: اخترنا لكم
 

مــا ينـكــتب شـعـر بليا مشـاعــر
‏ولا ينكتب بيت بلا صدق واحساس

‏صحيح بين الـناس ملـيون شـاعـر
‏لكن قليل اللي عجب شعره الـناس

.....

رد: اخترنا لكم
 

ناس على قل الوصل حيل تغليك
‏وناس مقابلهم عـمر يــكرهونك

‏بعض البشر مهما هملته يراعيك
‏والبعض لو تعطيه عمرك يخونك

.....

رد: اخترنا لكم
 

القلوب اللي على الفطره تودك
‏إزرع الخيرات والمعروف فيها

‏والقلوب اللي على الصعبه تحدك
‏لا تخاويها ولا تشره عليها

.....

رد: اخترنا لكم
 

‏حنا أحرار وكل حرٍ جزوعي
‏ما تمشي العوجا علينا مدانيق

.....

رد: اخترنا لكم
 

‏لولا الحسد ماشفت بالناس ضايق
‏وماشفت ناسٍ تشتكي من مرضها

‏الوقت علّمنا دروس وحقايق
‏الناس كل أسبابها من بعضها

.....

رد: اخترنا لكم
 

‏الخاطر المنكسر والضيقه اللي تزيد
‏متى انطلق من غثاها وامتثل للشفاء

‏احتاج وقت وكذا شخص ومكان ٍ بعيد
‏حتى اهدى وأستعيد العافيه وأغفى

‏الوقت في كل يوم يجيب جرح ٍ جديد
‏ من غير جرح الغياب وغير جرح الجفاء

‏مات الشغف والحماس وضاع قاف القصيد
‏والجانب المشرق اللي كنت أعيشه طفى

.....

رد: اخترنا لكم
 

‏دارت بك الدنيا وعنّك تخلّيت
‏ومغليك غيّر نظرته وانطباعه

‏وآمنت بأن الوصل مدّة وتوقيت
‏ولا بد لك يومٍ تشوف انقطاعه

‏وأنا غليتك صدق ما يوم ملّيت
‏شوفك والبي لك الغلا كل ساعة

‏وأحرجتني بردود فعلك وهزّيت
‏مشاعري والكون ضاق اتساعه

.....

رد: اخترنا لكم
 

‏الظنون أحيان يخطيها الصواب
‏مثل طيبك في زمن مافيه طيّب

.....