رد: اخترنا لكم شعر نبطي وفصيح
 

‏اشتقت لك والشوق ماله مواقيت
يا أجمل احـداث العمر في حياتي

قلبي وعيني ياغـلا الروح لك بيت
ولافيـه غيــرك يمتلك نبض ذاتي

احبك ولو عنـي تأخرت وابطيت
واموت بك يااغلا بشر في حياتي

واهواك مهما في غيابك تماديت
وتبقى امل روحــي وكل امنياتي

.....

رد: اخترنا لكم شعر نبطي وفصيح
 

‏الشـوق ماله وقـت يا ساكــن الروح
ما دام طيفـــك ما يفــــارق خيالي

اتذكــرك والقلــب يشتــاق وينوح
ويصيــح فــي الاعماق يابعد حالي

كابرت شوقي لاكن الشوق مفضوح
والشوق مالـــي في سكوته مجالي

حاول تحــس بلهفـت الروح ياروح
وخليـك اقــرب يا الغلا في وصالي

رد: اخترنا لكم شعر نبطي وفصيح
 

‏لاتسأل الشـــوق عنـي وانت أدرابي
نفسي تمنـاك وانــت أغلـى حبايبها

أغلى من عيوني الثنتيـن وأصحابي
وأغلى من الناس حاضـرها وغايبها

ياراعي الحـب حبك ذوب اعصابي
والهجـــر والبُعــــد ذابلها وذايبها

والروح تشكي غلايا جــور الاغيابي
بالله عليـــك يا غــلايا ليـه سايبها

.....

رد: اخترنا لكم شعر نبطي وفصيح
 

‏مدري لويش ارتاح لحظه اشوفك
وانسـى وربــــي ضيقتي والكئابة

أكتب ورب البيت اعشق حروفك
واعشق معاك الدردشه والكتابه

تدري بشوقي بـس اقدر ظروفك
واتجاهلك واتابعــك عـن كثابه

واضـيـق يوم انه تجيني طيوفك
واقـــــول يا الله لا تــزود غيابه

.....

رد: اخترنا لكم شعر نبطي وفصيح
 

‏ياقلب لا تبــدي جروحي على الناس
كم واحــدن ياقلـب يفـــرح بقهري

إخفي همومي بين غصه واحساس
وخَلي غبوني خافيــه وسط صدري

ياقلـب وان زاد الوجـع فيك لاباس
حظـوظنـــــا ماجاتـنـــــا بالتمني

اهـم شي لا تنشعــر يــوم بالياس
ولا تخيـب عنــد الاعـــداء ظني

.....

رد: اخترنا لكم شعر نبطي وفصيح
 

‏يانسمة اجواء الخميس اسعديني
قلبـي علـى لقياه ذايـــب وخفاق

ما ابغى الهموم اليوم لحظة تجيني
ابغى اعيش الليل في ضم وإعناق

اسهــر مع المزيون وانسى سنيني
ونبقـى طوال الليل لاحد الإشراق

يضمنــي بالحيـل ويــذوب فيني
وانا أضمه حيل من قلب مشتـاق

.....

رد: اخترنا لكم شعر نبطي وفصيح
 

‏في ذمتـي اغليــك واغليــك واغليـك
وحبك سكــن مابين قلبي والاحساس

ما شفت غيـرك لجـل اعزه واخليـك
اعميتنــي يا روح قلبــــي عن الناس

سكنت قلبــي غصـــب عني تماتيك
من غير خلق الله تربعــت من ساس

ياجعل قلبك في هوى العشق يبليك
وتموت في حبـي على سايــر الناس

.....

رد: اخترنا لكم شعر نبطي وفصيح
 

‏النـاس مـا تشعـر بحاسيــس الانسان
كل البشــــــر تحكـم علـى ماتشوفه

مايدرو ان الشخص في بعض الاحيان
يضحك علن والســـــر يبكي ظروفه

طبــع البشر هـذا علـى مــر الازمان
يتحاسـدوا حظـــك ولو به حسوفه

ولو ضاق قلبـك بالتعاسـه والاحزان
يقولــــوا انك فــي سعـاده شغوفه

.....

رد: اخترنا لكم شعر نبطي وفصيح
 

‏وش حالكم ياللي غلاكــم بالاهداب
يا اصحابـي الغاليين يسعد مساكم

حبيت اطمـن عليكــم يا الاصحاب
يلـــي فـي الاعمـاق ساكــن غلاكم

تحيه لكم ياعــز الاخــوه والاحباب
من داخـل الوجــدان تملا سماكم

يا اللي غلاكم مندفن بين الاعصاب
وفي خافقي ماحد وصل مستواكم

.....

رد: اخترنا لكم شعر نبطي وفصيح
 

‏بعض البشر لاغاب عن ناظـر العين
احـس كل الناس في الكـون راحت

وبعض البشر لوغاب ايام واسنين
مااشتاق له قلبي ولا النفس ناحت

انا اشهد ان البعـض ماله شبيهين
بافعاله اللي مثلما الطيـب فاحت

غالي وحُبـــه حــل بين الشرايين
ومكانته بوسـط قلبي استباحت

.....