رد: اخترنا لكم شعر نبطي وفصيح
 

‏ياكثر ماقلنا استرحنا ولافـاد
واشغـالنا واعمـالـنـا مشغلتنا

نجاهد الدنيا وصكاتها جهـاد
وظروفنا عـن بعضنـا مانعتنا

دنياً غثاها طول الايام يزداد
نركـض ورى لـذّاتهـا واتعبتنا

اليا قِربنا احلامنا راحت بعاد
واليا وصلنـا احلامنـا بعّدتنـا


شريف العضياني

رد: اخترنا لكم شعر نبطي وفصيح
 

‏عرف النشاما لنشاما تجاره
أهل الفعائل والمزايا الحميده

وانا كسبت اللي رفيعٍ وقاره
اللي يسولف عن قديمه جديده

الطيّب اللي مايغيّر مساره
اللي بحزات المواقف واليده

ماهي علوم اللي حياته خساره
اللي يخاف الطيب ينقص رصيده

ابوسلطان

رد: اخترنا لكم شعر نبطي وفصيح
 

حنا كذا صافين دايم و وافين
ما عندنا في الناس نية خباثه

الطيب والمعروف والصدق والدين
والجود والأخلاق فينا وراثه

اصحابنا سبعين مدري ثمانين
والصادقين اثـنين مدري ثلاثه

فهد العبدلي

رد: اخترنا لكم شعر نبطي وفصيح
 

‏والله إن الظرف يعطيك درسٍ بالحياه
والحياه دروس والناس تجهل ماخفا

الخـوي الكفو وافي وعالـي مسـتواه
أشـهد إنـه عملـةٍ نادره يااهـل الوفـا

يوم أبو وجهـيـن بـيّـن وشـفنا ماوراه
عدّ نفسه وين راسه وبالظرف إختفا

‎الصريح

رد: اخترنا لكم شعر نبطي وفصيح
 

‏حدد مسارك واترك الناس للناس
ورفع طموحك فوق ظهر المجره

دور على اللي خوته ترفع الراس
اللي على المجد المسمى مقره

ابغاك مثل الذيب قطاع الارماس
يسري ولا يمشي على كل جره

.....

رد: اخترنا لكم شعر نبطي وفصيح
 

‌‎يارب ترحم كل غالي فقدناه
واصبح مكانه في الحشا خالي

الله عسى ياخذ كتابه بيمناه
ويفوز با الفردوس في منزل عالي

.....

رد: اخترنا لكم شعر نبطي وفصيح
 

يارب هذا وقت طـير الأبابيل
اللي من السِجِّيل ترمي حجرها

اخواننا بغـزة شافوا البهاذيل
والكلب نتن ياهو يكسر ظهرها

اللهُم انصرهم

رد: اخترنا لكم شعر نبطي وفصيح
 

استغفر الله كل ماضاق صدرك
واستغفره حتى ولو كنت مرتاح

خلك معه مابين عسرك ويسرك
بيديه مفتاح السعادة والأرباح

سبحانه

رد: اخترنا لكم شعر نبطي وفصيح
 

يا ربّ أنا عبدك المستضعف المذنب
اغفر لعبدك ذنوبه واستر عيوبه

ما منْك ملجأ ولا منجا ولا مهرب
جنّبني شر الفتن وارزقني التوبة

آمين

رد: اخترنا لكم شعر نبطي وفصيح
 

‏يحلّها اللي فوق سبع السماوات
‏لا من عجز عن حلّها اللي تـحتها

سبحانه