|
نعرف اللي هروجه دائم(ن) قال قال
والله لاجاب لافود(ن) ولاجاب مال صار الدولار مربوط(ن) بقيمة ريال والله ماهمنا شكل(ن) وكثر وعديد وش معك يادماوي قلنا وش تريد تحمل الشر في صدرك وحسد(ن) وكيد شمسنا حارقة وإنتم بليا ظلايل لو قلتناه ماهي مكلفه ديّته |
خلوووووووووووووووووووووها
البدع ياغبر اللون طبعك طبع ملس الذيال فرقكم جانب المذوَد وحلسك بجال جعلك آخر حسيله من قطيع الحسال يغتسل سبع من عسَّك ولاهي تفيد حقك الحرق في وادي الفضا بالجريد وما يطهِّر نجاسك كود ذا يا سويد مكرفونك عسى كبره هناكم وهايل اسود ومع سويد ابرك على جيتّه ريال وتريد هاه ؟ ياسيف احم احم تحياتي |
الرد: يادماوي تراهم كلهم انذيال صاحبي يعلم الله هو في القلب جال لو نشدنا المغفل يحسب الملح سال حن كبار(ن) ولا نبصر لطفل و حفيد نسمع اخبارهم الاثنين وسط الجريد سيف والحوت منقولين صوب السويد سيف شاعر بني امعاويه صار هايل لاضرب عنق ما يلقى علاجيته ! |
أثــر لــك فــال يا صــاحب وللـربع فـال وش يحــدك علــى درب الخطـأ والزلال أســود اللـون لــك يا صاحبــي بالحلال تدري إن صيد حوت البحر ياخي محال تحسـب الشعر يا دمـاوي لعبــة عيــال ليــش تــرمي ثيـابك وأرتـديـت البـدال رميتــك مــا درينــا سهــو وإلا عميــد ليـت بعــض العــرب بالليل كانوا رقيد مــادريــت إن سيــف الشعر حل العقيد وإن مـاكــن كمــا شيهـان وقت الهديـد ليـت نلقــى قصـايـدكــم كــلامٍ فــريـــد تسـرقون القصــايد سـرق والله شهيـد كـان كــذّبت عمّـانك نجيــب الــدلايـل نحـفـــر البيــر ونقيــس إرتــوازيتــه |
أرى انكم اما تنهون المحاورة وتبقى الخواطر طيبة ونبقى رفاقة واخوان والا تغيروووون نهجكم اللي بصراحة نزل نزووول لا يليق بكم كشعراء تمثلون منتديات قبيلة شمران ارجوكم رجاء لو لي عندكم خاطر ارجوكم اما انهاء المحاورة او تغيير القارعة انتو في غنى عن بعض الكلام |
اسر ياليل
غبني ياخيزرانه تنطرق عــــــــالعفال انا عندي معاني وانت مـــــاغير لاال ذبحتك يادماوي مـــــن يديني حــــلال بس بعد المسافه بيننا حــــال حــــــال وادري ان جـــــاك منا يادماوي عيال انت بدلت حـــــرف السين هبته بدال وانت جندي فـــــي الميدان وانا عميد الجمل وان هـــدر يعقل بحبل(ن) وقيد يوقفون الجنود لامــــــــــر فيهم عقيد انت مــــافيك غير البربره والهـــــديد غن عالعود يــامعاوي بصوت الفريد خلو الشعر عنكم واسبحو في الرهيد الماء فالبير والــمـــــــري هبد بدلايل وارتوازي قوي مـــــــا احتاج وازيتـه |
للمره الأخيره .. إما أن نرتقي بلألفاظ قليلاً
أو تنهون المحاوره وهو الخيار الذي يريده الجميع وإلاّ انهيتها أنا. |
بصراحه يا بو بركي الكلام اللي قرأته ليس بشعر فأنت من بيت شعروتعرف فن المحاورة مع أحترامي للشعار فقد نزلوا لمستوى الثرثرة تقبلوا النقد مثل ما تتقبلون الإشاده وش هالكلام العفال والحسال بالإضافة بأن الأخوان لا يتحاورون حول موضوع معين بل واحد يقول مثلاً السلام عليكم والرد أنا في إجازة .
|
الله عليك ياحوت انت وسيف
ياربع خلو المحاوره تستمر هذي حلاوتها المحاورات كذا دائم حتى بين الشعراء الكبار ولاحد ينزل الميدان الاوهو قدها خلونا نستانس ونضحك والدنياء فانيه والدعوى مزح ويمكن انهم اصدقا |
يالربع صلو على النبي صحيح انه حصل تمادي في القصيد وانا بيني وبينكم ما ارغب الكلام الي ينزل قيمنا او مستوياتنا إلى الاسفل ويعلم الله ان مافي خاطري اي شي منكم ولكن اتمنى ان يكون فيه نقض و فتل و ربط المعنى والالتزام بالشقر في الرد اما السب والكلام الي ماله لزوم اتمنى يترقى قصيدنا إلى الاعلى زي المحاورات السابقه... حن الحين في منتدى قبائل شمران بين رجال و شيوخ و شعّار يعني لازم اي واحد منا يثمن كلامه الله يعطيكم العافيه جميع |
| الساعة الآن 01:40 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية