رد: اخترنا لكم شعر نبطي وفصيح
 

‏كل حيٍ يموت وكل شي يزول
غير وجه الكريم المعتلي ذو الجلال

أعقد العزم لا ضاقت عليك الحلول
يفتح الله عليك ويبدل الحال حال

ساعة الصبر تفتح محكمات القفول
وساعة الضيق تفرج والليالي طوال

.....

رد: اخترنا لكم شعر نبطي وفصيح
 

‏الديـن ماهـو دين درهـم وديـنار
الـدين والله ديـن رد المعاريف

ومن يزرع المعروف فبطون الاحرار
يلقى ثمـرها لاغـدى ليـله مخيف

ودك يـموت الـرجل ماقدم اعذار
والعذر ما يملا بطـونً مجاويـف

ومايوجع الرجال بالمـاقف الحار
الا اذا قلت علـيه المـصـاريـف

.....

رد: اخترنا لكم شعر نبطي وفصيح
 

يالله على بابك ولاخاب راجيك
يالواحد اللي غافرن للخطايا

ماخاب من حط الأمل والرجا فيك
ياعالمٍ بسْرار كل البرايا

انت الذي تعطي والارزاق بيديك
لاشحوا اللي يمنعون العطايا

ماخاب من هو مد كفه ويرجيك
تصبح يدينه عقب فقره ملايا

.....

رد: اخترنا لكم شعر نبطي وفصيح
 

دنياك لو تسوى من الحزن ذره
ما كـان تـالـيها تـوابيت وقبور

الـعـمـر يمضـي بين حـلوه ومـره
والموت حق وقابض الروح مأمور

دام الحـيــاة الـفـانـيـة مـستـقـره
ورزقك يجيك وبين الأجواد مستور

لا تنشغل بـالـوقـت بــرده وحــره
واحذر تصير بقسمة الناس مقهور

سبحانه

رد: اخترنا لكم شعر نبطي وفصيح
 

نصبر على ميل الزمن وانعواجه
ونسعى لكسب الطيب في كل منهاج

مرات نقضي للمطاليق حاجه
ومرات حنا للمطاليق نحتاج

.....

رد: اخترنا لكم شعر نبطي وفصيح
 

هي كلمتين وبس خذها قناعه
تكفيك عن كثر الكلام الملفّق

اللي مفرّط في صلاة الجماعه
ماهوب مستانس ولا هو موفّق

.....

رد: اخترنا لكم شعر نبطي وفصيح
 

النفس لا طاوعتها عشت مغبون
ملزوم في بعض الأمور تعصاها

.....

رد: اخترنا لكم شعر نبطي وفصيح
 

جمّلْ حياتك بالأدب والتسامح
وأبعد عن التفكير لو ضاق صدرك

أجعل عليك من التواضع ملامح
كان تبي تكسب مع الناس قدرك

وخلك مُحبٍ دوم للخير طامح
وأطلب كريمٍ له صلاتك ونذرك

خل الزعل وأصبر وجامل وسامح
وقابل هموم الوقت في زود صبرك

.....

رد: اخترنا لكم شعر نبطي وفصيح
 

فيمحو اليأسَ عن صدري بلطفٍ
ويُكرمني كأنّي لم أُهيني

وإنْ جارَ الزمانُ عليَّ يومًا
فحسبي أنَّ ربي في يقيني

سيأتي الفجرُ يحملُ نورَ خيرٍ
وبشرى للقلوب الصابرينِ

.....

رد: اخترنا لكم شعر نبطي وفصيح
 

‏ياويل منهو غافلً عن صلاته
نفسه ترده عن صفوف المصلين

مدري وش اللي يرتجيه بحياته
خسران فالدنيا وخسران بالدين

اللهم لا تخسرنا فالدنيا ولا بالدين