|
رد: ديوان الأمير بدر بن عبدالمحسن
أبعتذر… أبعتذر... كلي ندم...
عن كل شيء.. إلا الهوى.. ما للهوى عندي عذر... اتصدقي... ماخترت أنا أحبك.. ما أحد يحب اللي يبي.. سكنتي جروحي غصب.. يا حبي المر.. العذب... ليت الهوى وانتى... كذب كان أعتذر لك عن هواي.. وما أقول أنا كوني معاي.. إن ضايقك أني على بابك أمر.. ليلة ألم... وإنى على دربك مشيت عمري وأنا.. قلبي القدم... أبعتذر.. أبعتذر.. كلي ندم.. عن كل شيء.. إلا الهوى.. ما للهوى عندي عذر.. الله كريم.. حبك.. يكون.. همي القديم.. وجرحى القديم... والله عليم .. يا أحلي العيون.. إن الفراق.. جزا الفراق.. أبوعدك.. كان الطريق بيبعدك.. بامشي بطريق.. وكان الحجود بيسعدك... ما لي رفيق.. أبجمع أوراق السنين.. وأودعك.. كان الفراق اللي تبين... الله معك البدر |
رد: ديوان الأمير بدر بن عبدالمحسن
لليل أحبك… ما بقى في السما نور
وإلي ضواني الليل… للصبح أحبك واللحظة اللي كلها صد وغرور أشوف قبري بين عينك وقلبك في صدري اسراجٍ حزين ومكسور رغم المطر والريح... شلته افدربك والله ما به غير لوعاتي قصور وخوفي عليك الله ربي… وربك إلى متى ببني على صمتك جسور لاحيرتني أسباب سلمك وحربك العمر أحبك... ما بقي فيني شعور ومتى جفاني العمر... وشلون أحبك البدر |
رد: ديوان الأمير بدر بن عبدالمحسن
كل ما كتبت أبها نشت فوق الأوراق
سحابة وابتل في الصدر معلوق أخيل بين أصابعي نوض براق وكن القمر ينبت له غصون وعروق البدر |
رد: ديوان الأمير بدر بن عبدالمحسن
وين ينبت هالنخيل
إلا بين ضلوعنا ولاّ يشعل هالنجوم إلا ضي شموعنا البدر أبها قبل 35 عاماً |
رد: ديوان الأمير بدر بن عبدالمحسن
جديله ما وراها صبح
ألا يا طول مسراها وعينٍ ما تمل الذبح كأن أحبابها عداها البدر |
رد: ديوان الأمير بدر بن عبدالمحسن
صحت نجدٍ على صوت العويل ولجّة الغربان
عوافي.. قرِّبي منْك الوساده وادخلي لحافك مختتماً القصيدة بأبياتها ذات الفخر بالملك المفدى سلمان بن عبدالعزيز حيث قال البدر: أنا والله مدري وش تبي يا الثاير الزعلان تظن بلادنا ترجيك أو ان ملوكنا تخافك تبي سلمان ناظر في السما كانك تبي سلمان تخيب يديك ما طلته ولا طالوه أسلافك البدر |
رد: ديوان الأمير بدر بن عبدالمحسن
من يحب الوطن مثلي يقوم
يلبس الردن ويلبس مجنده ويركز البيرق بعالي النجوم وينتخي بالحطيم ومسجده البدر |
رد: ديوان الأمير بدر بن عبدالمحسن
بالشهادة حياة للوطن والشهيد
عند ربه عزيز وعند ربعه كريم لا تلوح البواكي من حيا من جديد في القلوب وبنا له مسكن في السديم من قضى دون أرضه دون عرضه سعيد يستحق الفرح لو كان فقده عظيم في الأسود البواسل لو نقول ونعيد ما لحقنا جزاهم جعلهم في النعيم وأخذ الشاعر البدر في قصيدته الأولى عشاق القافية والحرف إلى جمال المفردة وخيالها، في الثناء على الشهيد ومكانته، ممتدحاً الدماء الزكية التي روت الأرض حباً للشهداء، حيث قال: ما سقى القاع غيث مثل دم الوريد منه يخضّر صخر الأرض قبل الهشيم جيت أهني النشامى من قريب وبعيد ما أعزي اليتامى طفل غير اليتيم أحمد الله اللي جعلنا أحرار مانا عبيد ما عرفنا الهوان وما قهرنا الخصيم مختتماً سموه قصيدته الأولى بأبيات الاعتزاز بالوطن وقائده، منوهاً بمحايل عسير التي تستضيفه قائلاً: يا محايل عسير ويا سراة القصيد فيك يزهى جديدي وأستعيد القديم يا بلادي فدتك الروح مالي الوحيد اللي يعشق قُمَرك وزهرتك والنسيم وعاش سلمان سترك والولي العضيد رغم أنف الحسود ورغم أنف اللعيم أبشري يا دار البدر |
رد: ديوان الأمير بدر بن عبدالمحسن
لك علي اني احبك للنهايه
عاد مدري وين حبك ينتهي بي البدر |
رد: ديوان الأمير بدر بن عبدالمحسن
اعلق الدنيا .. على مسمار
مدقوق فيه اجدار .. وتسكن في ساسه ريح .. من له سنين يطيح .. ولجل الليالي اقصار .. ممداه .. اعلق اعيوني على نجمه .. محبوسةٍ في غرفةٍ ظلما .. ومقفول عنها باب .. ولها حارسٍ كذاب .. دايم يشيل كتاب ... ويقراه وهو أعمى اعلق احلامي على نصل سهمٍ يشد افنبل .. وترمى به الدنيا وبعد .. يخطي .. أموت .. انا مبطي .. لكن .. أحدٍ يبي ياخذ .. مني .. وابي أعطي .. اعلق افسمعي .. رعدغيمه .. واشرب .. ذِِكِر ديمه .. طاحت في بطن اليم .. اغمض اعيوني عليّ .. واحلم .. بعرقي .. يعاف الدم .. شيمه .. بروحٍ علي تندم البدر |
رد: ديوان الأمير بدر بن عبدالمحسن
انا احبك مابها زيف وخداع
رغم الذي نخفيه .. واللي نخافه أودعك .. ليت الألم لحظة اوداع إلى مضت .. ننسى الألم والحسافه وأفارقك.. لوالسفر .. يم وشراع وبعد الفراق .. اللي نوده نعافه لا صار مافي البعد راحه لملتاع بالله وش نفع التعب والكلافه من الجفا والصد .. يكفيني اذراع لا جف نهر الحبماتت اضفافه املي يدك رمل وترى هذي القاع ومدي النظر .. تدرين وش هي المسافه البدر |
| الساعة الآن 01:17 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية