|
قصيده للرد
السلام عليكم ورحمة الله وبركاته اعتذر عن غيابي عن المنتدى لفتره طويله وذلك للظروف الدراسيه واقدم هذي القصيده وهي موجه للرد من اي شاعر
البدع ياسيوفن برعيه يادروعن صلاب بانت البينه والحرب موت وتعوب وانت ياجيش تهزم وانت يا ضلع نود عادتن للعناصي من قديم السنين سقت سمحان واضرب في سناميته صوب دار الرجال اللي رعينا نماها لاحمتها السيوف ولابواريدها الرد مولد الناس يعرف من بطون وصلاب يالذي بان عيبك كيف تقدر تعوب لاتنوخ ركابك في رياض العنود وهات للحرب عده حد رمحن سنين وخيل نو التهايم من سنا ميته وابصر وجهيه قومن كل عينان ماها ريد وانا زبون الحرب واريدها |
رد: قصيده للرد
صح لسانك ونتظر الشاعر اللي بجاريك
|
رد: قصيده للرد
صح الله لسانك يا ابو محمد
وبصراحه افتقدنا الشاعر وقل تواجدهم |
رد: قصيده للرد
صح الله لسانك
رائع ما قدمت قواك الله |
رد: قصيده للرد
استلم يالذيب والمعذره فالقصور والتقيييم لابدمنه ابي اشوف وضعي معكم ياهل الجنوب
ميزة السيف ياشمران حدونصاب وضربته ماتبين الابوقت الحروب والمصايب تجدد والنشاما تعود ميريالله بلطفك يارحم الراحمين المخايل تقافت والبلد ميته والعرب في هواها والعجم في هواها بين حرالليال وبين تبيريدها ماتجوز الزكاه الا بحد ونصاب والمدينه بها الانصاروالا الحروب كل ماراحت الدنيا عسى ماتعود والردي مين لاجانا ولاراحـ مين ماحسبنا حساب الفه ولاميته ليت نفس الهواوي تعتزل عن هواها رجلها عاجله تركض وتبرى ايدها |
رد: قصيده للرد
استأذنكم يالربع في الرد على العتيبي ::بعد اذنك يايوسف
البدع مرحبا قبل نثنيها وتنزل عتاب بين قوم وربع من ربوع الجنوب واليالي تراها بين بيض وسود انتبه كان تبغى انك من السالمين من يدوس الخطر لايامن أمنيته فالقدر كم نفوس يالعتيبي طواها واحذر النفس لاتنوي بتوريدها الرد والله ماورد الدعوى بكلمة عتاب واقدر انوب عن ربعي ولبس الجنوب شبههم فالملاقا من نمور وسود سال من كان في (ليه)لوالسالمين يوم كان الشريف يدور أمنيته صفحة ماضيه تاريخنا قد طواها وانصحك لاتذكرنا بتوريدها |
رد: قصيده للرد
اعاده للمحاوره على واجهة المحاورات
|
رد: قصيده للرد
بيض الله وجهك اخي مبارك بن عثمان على هذا الرد المميز 0 ولا غرابه فانت الشبل من ذاك الاسد 0
ويالعتيبي مرحبا بك في منتديات قبائل شمران على الرحب والسعه 0 |
رد: قصيده للرد
وانت اخي الحمدان بيض الله وجهك ويسعدني مرورك مشكوررررررر
|
رد: قصيده للرد
صحت السنتكم جميع العتيبي وابن ثواب مدري ارد على من هههههههههههه
لكن بكمل القارعه صوبك يالعتيبي البدع ياعرب من يكيل الهيل والبن شاب عقب ماشبت الاضداد نار وشبوب ويصطلي من لهبها كل ماهب نود عشرة الناس بين العيش والملح دين كل مظلوم يشكي من ظلاميته والذيابه كسرنا عام الاول جماها لين صارت تعشى مع عجاريدها الرد قد حضرنا لولف ولاحضرنا نشاب نفتح ابواب جود ولامع اللاش بوب وانا في حضرة الاجواد ما اهب نود ولا اتجرى بقول الكفر والملحدين جاك ليلك تحذر من ظلاميته نجد فيها الضوامي بعد ما راج ماها منع جار الرواس ومنع جار ايدها |
رد: قصيده للرد
بسم الله الرحمن الرحيم هذي اول مشاركة لي بالمنتدى[hide]fa
كود بلغة HTML:
lse[/hide] |
رد: قصيده للرد
صحت لسانك يابن وزاع
|
رد: قصيده للرد
في ميادين الفروسية وميدان الشعر
مرحبا بك يبن الاجواد والطارف سديد قالها شاعر مهو كازجاج المنثر ومثل ماقال المثل ميفك الحديد غيرالحديد |
رد: قصيده للرد
ابن وازع احترم قوانين المنتدى انت تدخل بشاركات ليس لها علاقه بالموضوع
|
رد: قصيده للرد
يوسف +مبارك
ذا خشم وذا عين قرشتوني ارد على مين |
رد: قصيده للرد
حياك الله ياحمدان وبن ثواب كان رده مداخله وانا اللي بدأت بالمحاوره ولايهون بن ثواب
|
رد: قصيده للرد
ابن وزاع حيا ك الله في منتدى شمران ولك قدرك واحترامك لكن اخي العزيز انت داخل تتخبط مثل البعير الاعمى
مره تاخذ يمين مره يسار ماعرفنا وش عندك اذا تبي تحاور لانتهت المحاروه هذي بامكانك تبدى محاروه لك اذا عندك تعلقيات على المنتخب في قسم للرياضه اذا تبي بن ثواب بعلم روح له على الخاص هنامكان للمحاروه بين شاعرين بعدين لهجتك مع المشرف ابو عساف لهجه ساخره وابو عساف احد المشرفين السابقين في هذا المنتدى واذا غلط في املاء كلمه فهو خدم المنتدى بعشرات المواضيع وبشاهدة جميع اعضاء المنتدى ثانيا انت راجع املاءك شوف واخطائك وهي واضحه للجميع ثالثا قصيدتك الموجهه لبن ثواب الاولى قصيده مكسره ماهي على بحر واسئل بن ثواب واهو اخبر مني واكبرمني شعرا وعمرا وبالاخير تقبل تحياتي واحترامي واتمنى ان تقبل نصيحتي |
رد: قصيده للرد
رائع اخي الشاعر يوسف 0 صح لسانك وبيض الله وجهك وارجو منك المزبد وبالتوفيق 0 ونبي شي لصاحب القلب الاخضر0
|
رد: قصيده للرد
ماعليش اسمحولي يالربع من تهامه الى تباله والله اني اكتب هذه السطور وكأني اقطع من يدي ولاكن اجبرونا عليها القله ونا مستعد اجلس للحقوق ولدي البراهين انشاء الله
يالعتيبي قل اللي تقول وعلى اي معنى لايهمك بتلقى البعض يقولون صح لسانك انت ماشفت مدير المنتدى يرحب فيك على مواضيعك الاوله على رغم المعنى ::::ليش ياحمدان مارديت عليه وقلت الله يبقيك طلبناك ترد |
رد: قصيده للرد
صح لسان يا اخي يوسف مرتين في هاذي وفي الاوله والعذر والسموحه والله ما انتبهت للمشاركة الاولى واسمح لي اقول بان الشاعر عثمان الله يرحمة هو شاعري المفضل الى الان فكيف وان مبارك ابن عثمان 0 كلنا قبيله واحدة وكلنا اخوان 0 والله يجعلك على القوة وبالعكس والله اني اتمنى لك كل توفيق بل ان شعرك رائع جدا جدا 0 ودمتم سالمين
|
رد: قصيده للرد
ناس تناظر فوق واعلومها فوق
وناس تدور يابن وازع بعظها 0 اشكرك على الملاحظه الغير مقصوده يابن وازع 0 بالتوفيق |
رد: قصيده للرد
اسمع يايوسف
انت شاعروقلبك مثل قلب الغراب ميرهل جعفرالصادق يسمى الكذوب جاوب المسأله ون كان كبرت تهود وان نسيت السؤال نكرره مرتين كل طيرن طليق يعيش حريته لويحلق على الشجره يخاطب لحاها يستمع للغصون وصوت اناشيدها اسمح اسمح بصوت الموسيقي والغـ راب ياعسل لك طعم كله حلا والكـ ذوب لاتنصريابن شــــــــــمــــــــــران ولاتهود اخذ لك مرزيتونه واخذمر تين وانتبه للحواروكيف حريته والنشاما عسى ربي يكرم لحاها لاتهدم المعرفه قبل انا اشيدها |
رد: قصيده للرد
مبارك عثمان مساء الخيرياقلبي ليش زعلان ومن هو اللي زعلك بس!!!!
وآمرني امروانا حاضرباللي تبي والله مافهمت شي من اللي كتبت الا انك زعلان والزعل طال عمرك مايجي بيننا |
رد: قصيده للرد
المعذره يالنشاما حصل مني قصور
في استعارة اسم واخطا ماودي بها يايوسف والحمدان وايضا يالعتيبي ادمحو زلتي والناس تجزى بحسن اعمالها |
رد: قصيده للرد
تكفون سامحوني اذا اخطيت على احد فانا اخوكم الصغير وابن شمرن البار ##### فانا سجلت بالمنتدى ولا اعلم بالقوانين والانظمه
|
رد: قصيده للرد
استلم يا العتيبي
البدع فالثرى لي قبوس وف العوالي شهاب وانت حبك قسي وعندنا فت حبوب وانا قلبي سوات النو حن الرعود انت ضامي وانا من عام وراد عين طوف بالبيت واعرف ويش قداسيته العرب لو تسمي ماتضيع سماها وانت بكرتك ترعى ماترى ديدها الرد من يسد اللوازم باللقى ليش هاب عند قوم الكرامه سلمهم فتح بوب صد ماعاد له بالبحر والبرعود واخبره من رجال الحرب والرادعين كان يخطي ويحسب بالقدى سيته عنده الصقر والغربان توم ف سماها زلة الذيب مانهوى تراديدها |
رد: قصيده للرد
يوسف شاعركبيرسعدت بمعرفتك ومجاراتك وختامها على خير طال عمرك
|
رد: قصيده للرد
اخي ابن وزاع اسعد الله اوقاتك بكل خير 0 واسال الله العظيم رب العرش ان يوفقك فانت باين عليك رجل طيب واصيل وانت مسموح دنيا واخره 0 ولاكن اخي لو تكرمت ولو سمحت فنحن ابناء قبيله واحده والجمل ماياكل غاربه ان حصل خطاء غير مقصود من اي عضو من اعضاء منتدى قبائل شمران فارسل له رساله بالملاحظه فكلنا خطاء ولاكن نحن لانشمّع باي خطاء او ملاحظه 0 تقبل مني كل احترام وتقدير
|
رد: قصيده للرد
بارك الله فيك يالشاعر يوسف الشمراني والله انا مبسوط منك لانك فعلا شاعر بمعنى الكلمه وصح لسانك 0
ومرحبا بك يالشاعر حمدان العتيبي بين اخوانك ابناء قبيلة شمران 0 |
رد: قصيده للرد
بيض وجهك يا العتيبي وصح لسانك وعلا شانك
وحياك الله بين اخوانك ونتشرف بك اخ وعزيز وانت يا الحمدان تسلم على هذا الاطراء الجميل |
رد: قصيده للرد
لاهنتوا على هذه المحاوره الرائعه
بالرغم من بعض المداخلات ولكن نهايتها كانت جميله كجمال شعرائها |
رد: قصيده للرد
صحت اللسنتكم وبيض الله وجهيكم
|
رد: قصيده للرد
صحت السنتكم جميع .......
وبيض الله وجهك يايوسف ولا يهون بن ثواب |
| الساعة الآن 12:01 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية