بدع ورد بين الشعراء الموقرين
بسم الله الرحمن الرحيم
السلام عليكم ورحمه الله وبركاته وبعد ارجو من الشعراء اومن يحب الشعر المشاركه في المساجله الشعريه وتتكون من بيتين فقط ويكون الرد على القافيه ومراعاة الوزن وعدم تكرار القافيه او الكلمه الاخيره ومسموح لأى شخص ان يشارك الدعوى نتسلى ونختبر شاعريتنا وخصوصا انا ابي اجرب والفايز بحسن بيتين له جايزه جهاز لاب تب محمول وانا اول من يبداء ابغى اشوف حماس سلام صافي من فواد(ن) يحب الخير للــــي يحب الشعر ولـــــــي يناسبه فوادي الي دايم(ن) بالــــوفاء يطير والعبد لاخطاء فالله الــــي يحاسبه شاعرة المشاعر |
شاعرة المشاعر
الف شكر لك يالغاليه |
راعي الوفا يستاهل الشكر والتقدير
يكثر محبّينه وتكثر مكاسبه قدّرت راعي العلم وادور التفسير وش الدوافع يابشر والمناسبه |
اسجل حضوري ومتابعتي للمحاورهـ
لكم مني الاحترام والتقدير واصلوا >>>>> |
نبي نعرف الفرق بين البحر وألبير
اللي شرب من بير والبحر غــاصبه الشرح واضح ياشاعر مايبي تعبير ابغي شهادة جــــــد مانيب راسبه |
شاعرة المشاعر مشكوره على هذا الطرح الجميل وامل من الاخوان المشاركه
وهذه مشاركه مني وفيها شي من الدعابه كل (ن) يجد ويجتهد لابدا المدير وكل (ن) يخاف اعلى الوظيفه وراتبه والرئيس المخلص يحاسب على التقصير وانا نويت العزم والراس عاصبه |
ياشاعره جيتك مطبق نظام السير
حافظ حقوق الشعر والحرف كاتبه عين(ن) على الريّس وعين (ن)بلاها غير واخاف بعض الناس تنزل مراتبه |
الطير صوت من على سدره الغدير
يشكى المدير ويشتكي جور نايبه الذيب مايلبس عصابه ولاحرير كم ذيب فالميدان يفتل شواربه |
سلام ياشيخا معرب وابوه امير
يضد خصامه ويحفظ قرايبه السالفه ماظن يبغالها تفكير مادامت ابل البدو فالبر سايبه |
ارحب بالشاعر المعروف ضيف الله العامرى ويامرحبا تشرفنا بتواجدك معنا والمشاركه وان شاء الله تفوز بالجايزه
خلوهــــــــــــــــــــــــــــــا دارت بي الدنيا ونا منصبي يدير والدايرة تمشي ولاهيب عايبه في القبر نلقى ياعلي منكر ونكير الخاتمه ياجعل ماهيب خايبه |
ياعايض الدنيا الدنيه مع التطوير
واليوم صار الورع يضحك بشايبه يحن قلبي حن شاعر سمع له زير يحن قلبي لاتذكر حبايبه |
بسم الله الرحمن الرحيم
اسجل حظوري واعجابي بالجميع بداً من الاخت .. شاعرة المشاعر .. والاخ العزيز الشاعر .. على سعد ظافر .. ومديرنا العام الغالي (ابومحمد) والاخ العزيز .. ضيف الله العامري .. لكم جميعا كل التقدير والمحبة اسمحولي بالمشاركة... متمنيا للجميع بالتوفيق الدله اللي جاهزه ماتبي تبهير ... خلطت ملوك ويعرف البن شاربه مجهزه لاهل الوفا من صلاة اعصير ... مامد بالتركي ولاحنا مغاربه تقبلوا تحياتي الغـــــ رجـــــم ـــــريب |
بيض الله وجيهكم
اسجل حضوري للمره الثانيه واصلواا لكم مني الاحترام |
لاجيت ترسم فتقن الرسم والتسطير
واللي نزل في البحر مانجاه قاربه واذا هبطت السوق رح مركزالتوفير وادخل معهم في نظام المضاربه |
الحقيقه موضوع ممتاز ولكن اعتقد ابياته غير موزونه فلم اجد لها لحن
|
يامرحبا ترحيبت الورد والعبير
اخاف تالي الوقت من كل عاقبه الفرق واضح ياأصغير ويالكبير الرامي القناص مكن صوايبه |
اللي يدين البدو مايلزمه تبرير
يكون لاذع والفيوزات ضاربه الابل محميّه وراعي الغنم في ضير الذيب كلها العام والشمس غاربه |
ياسلام عليكم استمر و الله يقويكم
كلكم مبدعين واشكر الاخت شاعرة المشاعر على طرح هذه الفكره |
الفرق واضح بين العمي من الابصير
والنمر من يقدر علئ لمس شاربه بعض الطيوريطير والابعض مايطير وصقر ندري كلانا عن مضاربه |
يامرحبا يالابت(ن) تحمل الشطير
واهل المخمس يوم كلن وقالته واليوم هذا الملك خلى الدني يغير اصبح سنام الفحل يشبه لغاربه |
انا جيـت متأخـر وابي الجائـزه بكـير
وهــذا الجهاز اللي وهبتـوه ودي به تحدي نعم . يا اهل التحدي نبيه يصير وادك الهدف في معطف الضلع واصيبه |
حلوووووووووووووووووووووووووووه يالله سمعونا اكثر يا الله
اسجل حضوري******* |
هذه مشاركه متواضعه مني عشان خاطر لاب تب وخاطركم
النيل تحكم من مبارك ومن بشير تصنيفنا مستعربينن وعاربه واللي يقرب للسياسه لقى تحذير والبحر فيه الهول والموج راجبه |
السلام عليكم جميعا
سلام ياربعي هل الفخر والتوقير للشرّ .. بندقنا .. يضدّ ويحاربه دخيلنا نحميه والضيف له تبشير والوقت ما نخشى مساحة عقاربه |
شمران ربعي لابدت حزت التكبير
رصاصها وحرابها دوم زاهبه ولا نقوص(ن) في القبايل ولا تحقير ورضيعنا لاشاف خصمه يقول به |
تسجيل حظور مع شكري وتقديري لكل الاخوان
خصوصا اخي .. سعد بن مجبر (ابوعبدالرحمن) مدير شبكة البشاير حلاوة الابيات في دقت التصوير ... والشعر ماهو قدح زند ومشاغبه ضعنا وضاع البيت ياريس التحرير ... لا فيه طلاب ولا فيه مطالبه الغـــــ رجـــــم ـــــريب |
مساكم الله بالخير جميع
حي الله الوجيه الطيبه في هذا المنتدى الغالي علينا جميعا اشكر اخي العزيز ابومحمد على جهودة في هذا المنتدى ونائبه وأتمنى للجميع كل التوفيق أعجبني هذا الحظور الطيب وحبيت ان اشارك الطيبين طيبهم بهذه البيتين المتواضعه ــــــــــــــــــــــــــــــــــــــــــ سلام للاول ولاقول فينا (أخـــــــــــير) ... لاهل الوفا اللي كل جاهل (تحاربه) شمران ربعي في العزاوي وفينا (خير) .. بحر تلاطم والبواخر( تحاربـــــــــــه) تقبلو تحياتي والله يحفظكم ابونايف الشمراني |
اسجل حضوري المتكرر على هذه المحاورهـ
وبيض الله وجيهكم واصلواااا (( تم تثبيت الموضوع )) |
اقتباس:
للي رمى المسجد ودنس محاربه خلوني اسكت لاتعود حروب الزير وتكثر على راعي القصايد مكاربه |
الله يعطيكم العافيه جميع
احلا ياشاعر المشاعر تصارعين لوحدك ولايهمك نحن معك استمرىولاتخافين الله المعطي وانت اثبتى وجودك والى القمه ان شاء الله واذا ماحد فاز اعطيني الاب تب اسجل أعجابي لك ولجميع الشعراء |
ياناس قلبي منفضخ منغلى الشعير
يالله تجيب الغيث وكثر سحايبه شمران حنا مانحسب مخاسير لكن بعض البدو تدفع ضرايبه |
ياليت تلاحظون البيوت السابقه حيث الكثير وقع في بيوت انتهت والشاعر اشترطت عدم تكرار البيوت
كل واحد يراجع نفسه |
اقتباس:
يامرحبا ياللي موجهلي التزمير مشاعري مهي عن الشعر غايبه شاعر وعاشق واعرف الطلع والتحدير لكن نفسي عن هوا البيض طايبه |
حنا نراعي الضيف ونحشم القصير...............لاكن لا تعلى علينا حواجبه
ابليس لو نرميه نرميه لين يحير ..................ونشرده من ديرة العز قاطبه |
على راسي والله وكفو
الضلع الانصب دايما مطلعه عسير ...... ناسآ تبي تطلعه وتعود هايبه ان كان ماينبك يالصاحب الضمير.... روحي مع اصحاب المهمات ذايبه |
خايبه راحت كلاها الذيب
ماكل من نال الشهاده وصل وزير والنحل في المنحال يحمي جوانبه لاصاح صياح(ن) نجي للعدو نغير غيرى هرب لاكن مانيب هاربه |
هههههههههههههههههه
الذئب اكل واجد الله يهنيه لاجيت في راس البلس خذني التخدير من جوه الصافي ونسمة هبايبه من بعد دمرني صديق الوفاء تدمير هذا غريبه واحده من غرايبه |
أحييك أختي الكريمة شاعرة المشاعر
واسجل اعجابي بكلامك الطيب وأحيي الشاعر .. ضيف الله العامري بالنسبه للهروب (اتحدث عن نفسي ) أفضل ان أترك المجال لك وللشاعر ضيف الله وانا ارى بأنكم ماقصرتوا .. فقط نحتاج للحظور من مشرف هذه الصفحة حتى يبدي رايه لكم كل التوفيق جميعا الغـــــ رجـــــم ـــــريب |
الله يكره كل طاغي وكل اشرير
وللي جلس للحق والحق راكبه الحمل جاير بس يشتله البعير والحمل كايد بس هون وداربه |
الله يعطيكم العافيه الحقيقه ماقصرتوا
بس انا اشوف ان الموضوع تحول الى محاوره وهذا مخالف للمقدمه هي مسابقه شعريه احسن بيتين فقط وكل الشعراء يشاركون والحين شوفوا حل للموضع امانطلع منها وتستمر المحاوره او تمشون على قانون المسابقه ولكم تحياتي الكلام موجهه لشاعرة المشاعر وضيف الله ولاتبغون تضيع الجايزه |
الساعة الآن 04:10 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية