لعبة معقده....تحتاج الي براعةالشعراء للتحدي فقط؟؟
بسم الله الرحمن الرحيم
السلام عليكم ورحمة الله وبركاته تحديـــــــــــــــــــــــــــــــــــــــــات لمن يطلق عليهم مسمى .. الشعررررااااء اللعبه شوي معقده وتحتاج إلى ذكاء لغوي نظام اللعبة : تجيب بيت شعر من عندك ( فقط ) ممنوع النقل اللي بعدك راح يرد عليه بس راح تجبره بالحرفين الأول والثاني ... كيف يعني :: راح أجيب مثال ونبدأ : أنا راح أكتب هالبيت : بالمنتدى قلبي مع الناس مشغوول ...... وأشغل ضميري زول شفته فتني .. الحرفين الأخيره : نـ ي ... اللي راح يرد راح يبدأ بالحرفين الأخيره .. نيتي كانت صريحه من عرفتك ماأهتنيت ..... ليه تجرحني وترحل والعواطف بك تموت ولا يشترط أن تكون نفس القافيه ملاحظه :البيتين اللي ضربت فيهم مثال منقول من نفس صاحب الفكره اللي كتب الموضوع بأحد المنتديات البيت أصعب سنين العمر لا صرت مجبور توفي مع الناس والكل خاين أخر حرفين : ي ن نحتـــــــــــــــــــــــــــــــاج شعراء للتفاعل . . . أختكم: |
ينعم كثيرالمال في المال مدة=والا كثير الدين دايم نعيمه
فقط لمشاركتكم والنزول عند رغبتكم |
مهجور قلبي من بعد ترك الحبايب هجر السنين اللي مضت بإنسان غايب
والله ماقصرتي خيتو فتحتيلي مطلع قصيده |
يبارك الله فيك ويجعلك في نعيم يسعد مساك وصباحك وأصغرك واكبرك |
يعطيكم الف عافية
|
الاخت الغالية /طيوف
السلام عليكم ورحمة الله وبركاته اشكر لك هذه البادره وهذا الموضوع الجميل اللذي يستثير الشعراء لتفجير طاقاتهم الابداعيه وابتكار الابيات مما يرتقي بهذا القسم يبرى جرح قلبي اذا مر لك طيف ... وشلون لو شفتك على الباب واقف تقبلوا تحياتي ناظم الهمسات |
ركنت حياة اللي يبيني على جنب ...... خوفي عليه يجرح حياؤه وكبرياه انا ابيه بس بغير ما يركب الذنب ............. ايش حيلة اللي ضاقت عليه دنياه من تأليفي وعارف انها مو حلوة هههههههههه تحيااااااتي سلطان القلوب |
سبقتني يا ناظم الهمسات لأني قاعد اعصر مخفي واجيب البيتين ههههههههه بس تنحسبلي اللي ورايا اهـ تحيااااااتي سلطان القلوب |
تستاهل اخوي سلطان
اهل دمعي كل ماغبت وابطيت = يالله عساه الحظ عندي يجيبك ب ك |
بكيت على من زين الحسن وجهها
وليس لها مثل بعرب واعجم ج_م |
صعبته شوي عشان تحلا :3: اللي بعدي يبدا بــشــ |
بشرى لخلـي يوم شعري تمناه= يبشر بكل الشعر مرهون لجـله
لو يطلب الخافق اجيبه من اقصاه= واقول لجله يرضخ الشعر واهله اللام والهاء |
بش
بشريني عن عيونك سكنت غيري معايه= او تغطيني لوحدي تحت حراس الرموش و ش |
وش مكسب السارق من الزين نظرات غير انه يزود على الجرح كيات
يشرفني ان اشارككم احدى ابداعات الادب العربي الرائع وتمنيات مليئة بروح التنافس الابداعي |
ا ت
اتمنى شوفك كل ماغبت بالذات = واتمنى موتك كل ماشفت غيري ر ي |
ريموت قلبي بين اصابيع يمناك ============= عن بعد تتحكم ومن قرب محكوم
[motfrk]و , م[/motfrk] تحياتي الارجوانية |
موضوع
موضوع جميل يستحق المشاركة
على فكره انا ماني شاعر بس بشارككم ومليت من عبرة سنين ماضيات فيها كثير من القلق والخطايا وفكرت في توبة فقير المشاعر قبل لا أبدأ في كتابة وصايا |
ياساحره قلبي ترى السحر قد شاع= حتى وصل لطراف رجلي ومريت
واقف امامك واصرخ اليوم ملتاع= حني وشوفي ناظم الشعر كالميت ي ت |
يتيم في حرفي وداري والاوطان==حتى ارهي اني آتخاطب مع اشباح
وش قصة ادوار المئاسي والاحزان==تاتي على حلقات ومسلسل إجراح ا ح ا ح ماهوب انه احرقني شي لا يعني بداية المجاراة الجاية بحرف الالف والحاء هههههههههههههه تحياتي للنشامى ظهورهن يالنشامى |
ا ح
احرقتني من نظرتك لين دخنت = كني غصون السدر في وسط ميفا الله واكبر بالسحر حيل ايقنت= تملك سحر هاروت وجنان هيفا ف ا |
فاحت دلال الشاذلية وكيفت == واسرجت من خيل الروابع جحافيل
تدهم بليا نذر تجتاح وتزيح == عجة ليا كرر مرازم همالـــــــــــيلي ل وتحياتي شمران العصاه في البيد والسراة |
عفوا المجاراة الجاية
ي ل |
يلوي طرف يدي بيمناه واصيح = واقول تكفا اعتق اليد تكفا
ياللي امامك انحني شوق واطيح =ماقدر اجاري كف لو حن ادفا ناظم رقيق القلب يكفيه تلميح = وانتي عسفتي الكف ماظن يشفا ف ا |
ف أ
فاول ليا قال الحكم فاول ارجوك = لمست بيدك جرح قلبي وذالحيــــن الوقت قاتل والعواذل يشوفـــــوك = ياترضي العذال وتزعل المسكيـــن اللي على شانك كسر من يعادوك = مابيك تطريلي المثل بين ناريــــــن هو شي به كل المشاعر ينــادوك = وبرهانلي ينقال له وسمي العينين ي ن شمران العصاة بدوان وسراة |
ينطفي نور الكواكب والنيازك والنجوم= وينطفي نور الصبايا وانت نورك ماطفا
يكفي انك يوم جيتي ينجلي كبت الغيوم= تشرق شموس المحبه ويتضح لي ماخفا ناظم الهمسات بارز في سما وصلك قروم=وافتدى باغلى حروفه كل بيتٍ لك صفا ف ا |
ف ا
فالك المليون وادبلها وبيرق بن فطيس = وفال من يشناك ليل من النوافع والقلَت حي من يحيي المشاعر في عروقي والحسيس = والبوازل من خلقها الله تبشِر لأقبلَت في فوادي علقمة ليا فهقها خندريس = سبها غيدا تماري بالأماكن لا خلَت تعيثبي سود الليالي والخلا واصير بيس = شح شفي من دعَجها والنواظر مادلت ل ت شمـــــــــــــــــــــــــــــران العصاة بدوان وســــــــــــــــــــــــــــــــراة |
ل ت
لتر من دجله سكبته في وسط نهر الفرات= وانتحب يلطم ويلطم وسط منظر يربكك اثقلتهم الف جثه واتركتهم للشتات= والبشر تضحك وتثمل وسط حانات وسكك العروبه فعل ماضي يازمن غادر وفات= والمضارع فعل مضحك من بروده يضحكك ك ك |
ك ك
ككل البشر في الحضر والبوادي = نداري المشاعر وربي يداري ككرب العراق ابد مابه ندادي = في قيض القوايل وغدر الغداري ككون العراق ابد ماله ضمادي = وصقر النصارى يصيد الحباري ككتلة نصير ابد ماراح نصادي = ومير البلا في الفريق الوزاري ر ي شمـــــــــــــــــــــــــــــــــــــــــران العصاة بدوان وسراة |
ر ي
رياض قلبك تحظن ورود وورود =ياطهر من النسمه وسط بطن وادي ياليتي عندك انا الان موجود= واكتب على كفك حكايات غادي خلي التغلي واعزفي لي على العود= خلي الفرح يزدد في جو هادي دي |
ديره بلا محبوب ماتستوي لي ****** لو ان فيها كل ماتطلب الروح يا صاحبي بالهجر هديت حيلي ****** من شافني قال انت بالقلب مجروح هذه الابيات اهداء الى ناظم الهمسات تحياتي ابوحيدر |
اناء ماني شاعر
بيض الله وجيهكم |
حياك الله اخي العزيز ابو وحيد
وعلى طاري وحيد وحدك سكنت بداخل القلب والروح= وانت الوحيد اللي رسخ في حياتي وحــدك فقط تتربع بصــدر مجروح= غيــرك ابد مايسكـــنه ياغناتي لك داخله برج الغلا فوق وصروح =ولك داخله تلقى الدفا في عباتي يامهجــتي يانظرة العين مسموح = لو نظــرتك تستقطــبه للمماتي ت ي |
تيمني الحب واثر الحب مايرحم
لليوم وانا متيم في هوى خلي |
ل ي
ليلة سمر في مخدعك عن ليالـــــــــي = تجلي سهاد اسنين عاني وضامي وتغشي مصارع صفصفي عقب مابار = ويرتد نسمي وابتحض من مقامي واقوم اهذري مثل قومة مجهلــــــــــل = ماني بصاحيله ولاني ابمنامــــي ليلة مثل حلم المنامي وهي علــــــــــم = من روعها كنه على طول امامــي م ي شمران العصاة بدوان وسراة |
مايرحم الا الله ولا غيره ارجاه
من واحدن كدر حياتي بعاده ده |
امن الطرق ماتحسبلك
انت قلت مايرحم فصارت بدايتك بحرف الميم والالف والمطلوب تبتدي بحرف الميم ثم الياء ماودي اضرب مثل عشان ماحرق القاف لكن تلاحق او بيسبقك بها عكاشة اهه اها اها يالله تحياتي |
تحياتي لدكتورنا العزيز /دماوي وشاكرين لك مشاركاتك من استراليا وابشر باللي يعدلها
ميه على ميه وانا اقول ميه هذا جمالك لو وصفته مع الناس اس ياسيدي اس |
ا س
استلهمك في دفتر الشعر واكتبك= وادللك باحلا الشعر يالاميره امزج جمالك داخل الكوب واشربك= واقول طعمك بالفعل طعم بيره ر هـ |
رهنت قلبي لجل خاطر حبيبي
وابشرك يا ناظم اني كسبته ت ه |
تهنى من عشق بأوصاف خلي ................ وذاق الشــهد صافي من شفاته
غلاه الـــــــزاد وبزينـــه يحلي ................ واذا ضاق الزمن يصبح عصاته نايف العبدالله |
الساعة الآن 08:44 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية