|
يامي يمح قبيله شمران
بسم الله الرحمن الرحيم فأجأني هذا الصباح احد الزملاء وهو من قبيله( يام) يبدع ويتثر احلى قصيده في قبيلتكم شمران 0 يقول الشاعر مهدي اليامي لاحت بروق القصايدمن هجوس داخليه زلزلت عرش الضماير واعتزيت وقمت صاحي الرجال اللي لهم تاريخ وعزوم قويه افتخر في مدحهم والمرجله نعم السلاحي اشهد ان الشعر في مدح شمران اغلى هديه والتحيه عد برق في جبين الغيم لاحي والحين نبي ابي شوركم ورايكم يا عصابه راسي ويش الحل |
القصيده طيبه ولكن البيت الي يمدح فيه شمران مكسور والظاهر انه كان بدل شمران يام
وهذا الواضح في القصيده 0 عموما ما قصرة بيض الله وجهك ووجه صاحبك 0 |
مستر بوبو0
اكتب با العربي الله يعطيك العافيه 00 تم حذف تعليقك بواسطتي |
وش الحل ؟!!
مايبي لها حل وأنا أخوك الحل واضح أيها الفتى عليك بإكرام الشاعر اليامي وتقليطه على مفطح ودعوة من تعرفه من عزوتك شمران لحضور العزيمة والترحيب بالضيف وبلغه سلامي لك أغلى تحية |
يعطيك العافية
الحل حط قصيدة فيه وتصيرون متساويين |
صح لسان الشاعر اليامي
وتسلم يافتى الاحلام ماقصرت تقبل كل الشكر والتقدير |
فتى الأحلام بيض الله وجهك ووجه صاحبك
ورجال يام معروفين بالكرم والشجاعة انا بالنسبة لي فزملائي من قبيلة يام ياكثرهم أما بالنسبة للحل فرأيي من رأي أخوي بلقاسم قصيدة بقصيدة ونكون خالصين بدون خساير مفطحات |
عشت يافتى الاحلام وبارك الله فيك
وصح لسان الشاعراليامي وهذا مو غريب على صبيان يام تقبل مروري اخوك ابوحوفان |
عايض الشمراني بو بركي ابو حوفان ولد صقران اشكركم على مروركم ولاهنتوا يا النشامى |
ونعم الرجال رجال يام
شكرا لك |
صح لسان الشاعر وبيض الله وجهه
وبيض الله وجهك اخوي فتى والله يعطيك العافيه ورد له بقصيدة حتى لو استعنت بأحد شعرائنا في المنتدى ماراح يقصرون الله لا يهينك تحيتي |
اقتباس:
ولاهنت اسعدني تواجدك |
اقتباس:
شكرا لتواجدك واسعدني مرورك |
ونعم الرجال صبيان يام قوم حشد
اللي ليا شافو فيهم جبان قامو يذبحوه ذبح الطلي تقبل تحياتي واذا بحاجة قصيدة رد لليامي ابشر بعزك بس لازم ترد عليه بقصيدة والمفروض في وقتها ارتجاليه وحاضر بحاضر تلاحق بها بس وعطنا ياها بعدين او ارق سنود وتدلل في اي وقت لو تبي غزو |
فتى الأحلام
أشكرك على حبك لشمران وللأسف القصيدة ليست فيهم وهي نازلة في كثير من المنتديات كمسجات وهذه القصيدة الأصلية لاحت بروق القصايد من هجوس داخلية===زلزلت عرش الضماير واعتزيت وقمت صاحي الرجال الي لهم تاريخ وعزوم قوية ====افتخر في مدحهم والمرجلة نعم السلاحي اشهد ان الشعر في مدح القروم أغلى هدية====والتحية عد برق في عر و ض الغيم لاحي ما لون بالأحمر زيادة من عندي للوزن تحيااااااااااتي |
القيصدة قيلت في يااااام وانا سمعتها قبل كذا
نشكر مهدي على مشاعره تجاه قبيلة شمران |
مافيها شي الطيب يستاهله المطاليج وحنا في ذالموقف اولابه وناسخ ومنسوخ عادي
حنّا نستاهل وهويستاهل جديد بعد ويمكن يكون مهدي ماهوب شاعر ومامعة الا كذا ماعلاه زود وحنّا ويام سوى وجنوبيّ الدار وعرب عاربة تقبل تحياتي اخي فتى الاحلام وعلم مهدي انّا عرفنا اصل القصيدة وأنا قبلنا حسن نيته الغير مشكوك بها |
| الساعة الآن 09:57 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية