منتديات قبائل شمران الرسمية - شيلة / عطني حنان ❤️

https://i.pinimg.com/originals/d4/0b...e9c101765b.jpg

شيلة / عطني حنان
كلمات الشاعر فهد عيد السحيمي
أداء المنشد / هاني الزهراني و أداء المنشد عبدالخالق البصيري

https://www.youtube.com/watch?v=5UYuhrScAh8
️
عطني حنان أنا فقدت الحناني
لو الحنان يباع كان اشتريته
️ أنا بدويٍ ما استقر بمكاني
لا لاح براق السحايب نصيته
هوجاس قلبي ما تريح ثواني
لذكر ولا مرة غفلت ونسيته
️ يعني صراحة ذقت مر الزماني
لكن مرجع عن طريقٍ بغيته
️ السهل ما أريده لو السهل جاني
أفرح بشيءٍ من شقايه جنيته
️ ما ني من اللي يتبعون الهواني
لا شفت مرقابٍ طويلٍ رقيته
️ واخترت من شعري جزيل المعاني
ولا كل قافي لي قليله بديته
️ وإن كان شعري ماطلع شي ثاني
غيرت منهاجه وهديت بيته
لن الشعر له شان داخل كياني
من صغر سني عشت به وحتويته
والشعر لا مني دعيته دعاني
خوي دربي من حروفي غذيته
️ يفرج لمن مثلي بوقته يعاني
سبت فراق الصاحب اللي هويته ️
ياليت ما بيني وبينه مباني
ولا يشرهون الناس لو كان جيته
وياليت من حبه شويه عطاني
ولا عطاني نصف حبٍ عطيته
ما يدري إني تهت والله بلاني
حظي بعد فرقاه مات ورثيته
وتجمدت بالقلب كل الأماني
ما غير حبٍ وسط قلبي بنيته
يشهد على حبي سهيل اليماني
ويشهد زمانٍ في غرامه قضيته ️
ويشهد بعد شيبٍ بذا الراس باني
وأنا صغير وتو عمري بديته
يازين ماترحم ترى العمر فاني
المسلم اللي مبتلى وبتليته
اللي بقلبي لك نطق به لساني
وكتبت فيك الشعر وأنت قريته
وإن كان فيك احساس يا مود أماني
عطني حنان أدوره مالقيته
********