سمان الهرج
عطني ياهاب الريح من وقتك شوي
وأسمع كلامي كان ما به كلوفه سخر جهودك في رضا الواحد الحي والفرض لا تغفل من أول صفوفه لا تمنع الناصح ليا قال ياخي خذ ما يفيد وزايد الهرج طوفه لا تطرد المقفي ولا تشاور العي قدام ياكلك الندم والحسوفه ترى حكيم الشور ياخذ ويعطي نفسه من الراي الدناوي عيوفه ولا تقرب الشبهه ولا تخاوي السي عليك باللي طيبات وصوفه من رافق الطيب شرب صافي المي ومن رافق الهافي جفا الما كفوفه ولا تنكر المعروف لو أنه شوي من قدم المعروف رد معروفه وأدمح خطا الطيب ليا صار مخطي وأقبل معاذيره وقدر ظروفه ولا تنهر المحتاج لا جاك مبلي خسارة في فعل خير مخلوفه وأطلق حجاجك لا أقبل الخاطر وحي بشاشة الطيب كرامة ضيوفه ترى الكريم معان بالخير مرهي من يترك الماجوب جعله ذلوفه لا تقطع الرفقه ولو حبلها لي حبل الرفق من يفلته بان خوفه رجل بلا ربعه من الناس مجفي لا بد صكات الليالي تحوفه واللي في عينه ما يشوف البشر شي ترى البشر في عيونها ما تشوفه ومن عوده حظه على بارد الفي لا بد لفحات السمايم تلوفه ومن ساقته نفسه على سكة الغي صعب عليه ليا تمادى نكوفه ترى الليالي تطوي أيامنا طي يالله بحسن الخاتمه والمروفه الشاعر سعد بن جدلان رحمه الله |
رد: سمان الهرج
جزاك الله خيرا على الطرح المميز مجهود رائع ودمت بود https://up.graaam.com/uploads/imag-5...2625c3d767.gif |
رد: سمان الهرج
الغالي الحمدان قصيدة رائعة ومميزة شكرا على حسن اختيارك والله يعطيك العافية |
رد: سمان الهرج
شكرا على الطرح المميز
جزاك الله خيرا تحياتي لك |
رد: سمان الهرج
أخي العزيز الحمدان شكرا لك على هذا التواجد الفعال والمشاركات النافعه والمفيده بارك الله فيك وجزاك الله خير |
الساعة الآن 06:40 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية