منتديات قبائل شمران الرسمية

سامرية لشاعر عنيزة / إبراهيم بن منصور الكنعاني .

يا حمام على الغابة ينوحي
ساجع بالطرب لا وا هنيه

قلت حية ولا كنه بـيوحي
مر عـجل ولا سـلـم عـليه

واعسى السيل دايم ما يروحي
مـا يفـارق جـفار الصايغيه

حيث ينصاه خطوات الطموحي
كل بيضا هنوف عسوجـيه

تنقض الراس لا جت ابتروحي
وتنـكسه ليـةٍ من فـوق لـيه

انقضت راسها وده تروحي
قلبها مـشتعل يـبي خويـه

يا شريفه مــتى ودك نروحي
يم ديـرة هلك يالعسوجيـه

قالت اصبر يطيبن الجروحي
شهر وعـشر ودنـولي مطيـه

كن في ضامري قدر يفوحي
او غـروب تـوامى في ركـيه

روح روحي بغت روحي تروحي
يوم قيل الغضي فيه جــدريــه

جيت ابشرب والى مسكه يفوحي
غـاسل ٍ فــية وضــاح الثنية

والحجب نابي فوق السطوحي
والــجــدايل عـلى مـتنه طويه

جـعل زمل ٍ يبي خلي يروحي
ينكسر في شعيب الصالحيه

قلت يا ذا الحمام اللي ينوحي
جارك الله عن الــرامي نحية

قلت قــوه ولا كنه بيوحي
صد واقفى ولا رد التحيه

قال قبلك غدا ناس ذبوحي
ويـن عبدالرحـيم وين حيه

الوليعي وقع في راس صوحي
طاح فوق الحصى سالت دميه