منتديات قبائل شمران الرسمية - كنافة رمضانية حصرية لمنتدى شمران ..بالصووور...

- المطبخ والغذاء الصحي (http://vb.shmran.net/forumdisplay.php?f=15)

كنافة رمضانية حصرية لمنتدى شمران ..بالصووور...

السلام عليكم ورحمة الله وبركاته..

كيفكم اخباركم ان شاء الله كله تمااام

وكيف أول ليلة في رمضان جهزتوا أغراضكم وأهم شيء اتسحرتوا..؟؟

طبعاً هذا القسم مهم بالنسبة لنا ومرة حلو وأهم شيء انو لذيذ

لكن ينقصه انو نحط مواضيع وأكلات احنا مسوينها ومن طبخ ايدينا

سويت قبل كم يوم كنافة وكانت لذيذة >>ماشاء الله خخخخخخ

مرح أطول أكثر من كذا ... خذوا المقادير والطريقة ..

المقادير..

كنافة شعر _أنا استخدمت كنافة الدانوب حلوة وتجي في اكياس مو علبة واسخدمت نصف الكيس_

اصبع زبدة

علبة قشطة قيمر أو عادية

كاستين ونصف موية

8 ملاعق حليب مجفف

3_4 ملاعق نشاء

فنجان قهوة سكر...

الطريقة..

1_افرمي الكنافة بيدك يعني قطع صغيرة بطول نصف الأصبع تقرياً..

2_اخلطي معاها الزبدة.

3_ رصي نصفها في صينية بايركس

4_حطي في قدر.. الموية والحليب المجفف مع السكر والنشاء وحطيهم عالنار مع استمرارية الخفق باليد بالمضرب اليدوي

وخلي الخليط يثقل واذا ماثقل حطي في فنجان شوي موية مع ملعقة نشاء وصبية عالنار مع الخليط حتى يثخن

4_ اذا ثخنت الخلطة حطي القشطة وقفلي على طوول.. وصبيها فوق الكناافة وحطي اللي باقي من الكنافة فوق الخليط..

5_افتحي الفرن على نار متوسطة وحطي الكنافة وخليها الين تحمر وبعدين شغلي عليها من فوق الين تحمر ..

6_ اذا استوت طلعيها من الفرن وحطي الشيرة _مع الحرص ان لاتكون الشيرة حاارة من على النار لا خليها تبرد _

وبالف عاافية وهنا على قلوبكم اتمنى تجربوها وتقولوا لي..

للتزيين ..

فستق مطحون ..

وهذه صورها وهي في الصينية قبل التقطيع..

http://www8.0zz0.com/2009/08/22/02/138223393.jpg

http://www8.0zz0.com/2009/08/22/02/252273311.jpg

http://www8.0zz0.com/2009/08/22/02/847131054.jpg

ها وش رايكم ؟.؟.

الموضوع والصور كلها من جهدي انا..

والسلام عليكم ورحمة الله وبركاته..

أختكم أضواء*..