ركبت من فكري تراكيب وهجوس ! ! !
. . . ركـبّـت من فكري تراكيب وهجوس اقولها والقصد للي درى به . بعض العرب هرجه غريبٍ ومنكوس ما ياتي الموضوع من عند بابه . في السالفة يلف ويدور ويحوس سوالفه جت بالملل والكآبة . احسن لبعض الهرج لو ظل محبوس لا صار ما ينفع ولا ينبدى به . كلمتك مثل السهم يرمى من القوس ما عاد ترجع والخطا له حسابه . خل اللسان بداخل الفم مدسوس تراه مثل السيف داخل نصابه . بعض الكلام ان زاد راحت به انفوس كم واحد سبّـب بقوله عذابه . كم واحدٍ عوّد وهو حيل متعوس شاف الندم باسباب هرج ٍ حكى به . ويعض فوق اصبعه باسنان وضروس ويقول ياليت القدر قد غدا به . ترى العـمَـر ياناس دقات ودروس للي معه عقل ٍ فهيم ٍ ونابه . اللي حفظ قوله من النقد محروس ما يلحقه لوم العرب والعيابة . والصمت للرجّـال هو خير ملبوس يحفظ له الهيبة ورفعة جنابه ! . . . شعر / راجي الوصل |
رد: ركبت من فكري تراكيب وهجوس ! ! !
صح لسانك
لاهنت |
رد: ركبت من فكري تراكيب وهجوس ! ! !
تسلم يا راجي الوصل على ابداعاتك الرائعه
وهذاليس بغريب عليك دائما متألق ماشأالله عليك |
رد: ركبت من فكري تراكيب وهجوس ! ! !
ابيات تتقاطر حكم من شاعر حكيم
بيض الله وجهك |
رد: ركبت من فكري تراكيب وهجوس ! ! !
علي ..
صصح الله لسانك وعلا شانك |
رد: ركبت من فكري تراكيب وهجوس ! ! !
صح الله لسانك ولاهنت على ماطرحته
|
الساعة الآن 06:03 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية