رد: فوق هام السحب ( الشعر الشعبي) على متن القوافي
 

‏الدَّين عز وعزة النفس بالدَّين
ومن لايعز النفس يرضى الإهانه

والله لو يملك قصور وملايين
ما دام ما به دَّين ما له مكانه

هذا الصحيح وعنه الاخيار دارين
و من ما درا بالحق هذا بيانه

الآدمي نطفه ومخلوق من طين
و مكلّفه ربي بحمل الامانه


محمد بن مشرع

رد: فوق هام السحب ( الشعر الشعبي) على متن القوافي
 

‏يستريح البال لاهبت أنسام الـهبوب
‏سامح من هزل بعض العباد وجـدهم

‏في رجا اللي يفرج الهم ويغسل الـقلوب
‏عن بشر .. ماني بـ معهم ولاني ضـدهم

‏فيه ناس ماورى عرفهم .. غير الذنـوب
‏ماقدرت اشري غلاهم ولاخطب ودهـم

‏خيرة لي .. يوم راحوا مع وساع الـدروب
‏ياعسى درب خذاهم ماعاد يـردهم


.......

رد: فوق هام السحب ( الشعر الشعبي) على متن القوافي
 

‏بعض الزعل مطلوب مابين الاحباب
‏يومين ، والثالث اذا حيل طوّل

‏وبعض الزعل مجهول حتى بالاسباب
‏تلقى السبب حجة علشان يزعل


.......

رد: فوق هام السحب ( الشعر الشعبي) على متن القوافي
 

‏نصيحتي لا تظلمون ،، وتضـرّون
‏وصدّوا عن عيوب البشر واستروها
‏
‏ولغيركـم حبّـوا مثـل ،، ما تحبـون
‏ونفوسكم بالناس ،،،،، لا تشغلوها


.......

رد: فوق هام السحب ( الشعر الشعبي) على متن القوافي
 

‎لا تلتفت للناس وتقول قالوا
‌‏عليك في نفسك ولا تتبع الناس
‌‏
‌‏وان كان هم فى غفلة الوقت مالوا
‌‏خلك جبل واثبت على مبدأ وساس


.......

رد: فوق هام السحب ( الشعر الشعبي) على متن القوافي
 

‏اقسى من الدمع صوتٍ تقتله ونّه
‏و الونّه اللي تجـي من شوق غلاّبه

‏لـ انسان من كـثر ما تغليه وتحنّه
‏تختار فرقاه وانت تضيع فـ غيابه

.......

رد: فوق هام السحب ( الشعر الشعبي) على متن القوافي
 

صـادق صديقـك واللـه اللـه تخاويـه
وحفـض عيـوبه والـصـداقـه اخـــوه

وكـن يمينـه فــي المهــااات وحـويـه
وبنـي علـى يمنـــااك قـــوه ونخـــوه


.......

رد: فوق هام السحب ( الشعر الشعبي) على متن القوافي
 

ما عاد فيني خلق لمعاتب الناس
ي كثر ما عاتبتهم واخذلوني

يموت فيني البوح وتضيق الانفاس
ويجف دمعي في محاجر عيوني


.......

رد: فوق هام السحب ( الشعر الشعبي) على متن القوافي
 

‏مهما تردّى وقتنا لازم نطيب
‏ما نكسر بْـ خاطر ولا نجرح شعور

‏نعاف من ينسى جمايلنا ويعيب
‏ونحبّ من ينصح إذا فينا قصور

‏نموت من خذلان صاحب أو حبيب
‏ونعيش لوّ أقدارنا عيّت تدور

‏ان ما حضرنا بْـ ما يجمّلنا نغيب
‏بعض الغياب أجمل كثير مْن الحضور


......

رد: فوق هام السحب ( الشعر الشعبي) على متن القوافي
 

‏نفرح لو ان الضيق منّا وفينا
‏بعيوننا تصغر كبار الاسامي

‏ولو ترفع الدنيا قضايا.. علينا
‏نوكّل الله .. ما نوكّل محامي


.......