بسم الله الرحمن الرحيم
اخوتي الأعزاء حبيت اقدم لكم طبخة مشهورة و محببة عند أهل الخليج و للأمانة طلبت الوصف و الطريقة من ((رفيجتي)) الكويتية وهي طبخت مطبق زبيدي وأنشاءالله عوافي ..
اليكم المقادير و الطريقة :

المقادير حبايبي كالتالي:
2كاس رز
كيلوسمك زبيدي
ماجي
ملعقة سمن بلدي
زبيب وبصلة مقطعة للحشو
البهارات(لومي اسود مطحون,كاري,كركم,فلفل اسود,رشة قرفة,ملح)
الطريقة:نظفت السمك عدل وحطيت البهارات عليه وحطيت داخله بهار بعد
وغطيته بالقصدير وحفظته بالثلاجة ساعة(ممكن ساعتين بس مو اكثر عشان ما يتفتت بالبهار)
احمس البصلة والزبيب واحطلهم البهار واشيل منهم مقدار يكفي للحشو
والباقي اخليهم في القدر واحط عليهم ماء لطبخ الارز وماجي واخليه عالنار يغلي
وبعد الغليان اضيف الارز بحيث يكون الماء مغطي سطح الارز
اما السمك نحشيه بالزبيب والبصل المحموس ونخيطه عشان مايطلع الحشو
على فكرة حشو السمك مهم لانه يروح الزفارة اللي فيه بعدها نعمل بكل سمك 3شقوق بالعرض من الاتجاهين يعني 6 شقوق بكل سمكة
والشقوق ما تكون عميقة حيل عشان ما يطلع منها الحشو
ونقليها بزيت غزير حتى تاخذ لون اشقر وما تاخذ وقت طويل بالزيت نفس انواع السمك الباقية
وبعدين نحطها فوق الارز بالقدر ونسكر عليها (يكون الارز قرب عالاستواء يعني قعد ينشف)
ونحط فوقهم ملعقة السمن العربي
وممكن نحط السمن على الرز قبل السمك
وننطر لين ينشف الارز ولما تفتحون القدر بتلقون السمك بعد حمام هالبخار طريييي
وكأنه ما انقلى بالزيت ابدا.
عليكوم با العافيــــــــــــــــــــــــــــــــة

تحياتي ..

عليك بالعافية خيووو شمس ..
يسلموووووووووووو ع المرور ..
تحياتي لك .

يديك العافية علم يسلموووووووووو ع المرور ..
تحاتي .

يسلمووووووووووووو بحر مشكور ع المرور ..
تحياتي لك .