|
ياعلي سعد ظافر ( العلم لك وحدك )
السلام عليكم ورحمة الله وبركاته وبعد : محبتي لأخي علي سعد ظافر الشمراني وأملي بأن يتقبل مني بصدر رحب هذه المحاورة التي أتمنى أن يشاركني بها لعلنا نقضي بعضا من الوقت بشيء بسيط مما يسعد الجميع البدع سلام يابو سعد موثوق ما هوا برادي تسليم رجل نوى بالطيب ما يتلف زيون سهران ليلي وقلبي هاجسه مع مذيعه والهمّ له في حنايا القلب نيران ولهوب الرد البارحه يارفيقي وحدي أسمع برادي عبر الأثير المميّز يقلعك يتلفزيون لكنّ سمعي تولع في سماع المذيعه شغلت سيارتي وذراعها طاح ولهوب |
صح لسانك يابو عبدالرحمن
والله يعطيك العافيه وفي انتظار الاخ علي لنستمتع معكم بالمحاوره وتقبل فائق احترامي وتقدير عايض بن شنيف |
ارحب يابو عبدالرحمن
البدع ماعاد بنحرّر المرسول ولاّ نوادي ولا بنرسل قصايد قيس ولاّ ابن لعبون من بعد ماهبت فيني مـ البدايع بديعه واهدرت عمري ولا رديت لي باي مكتوب الرد ياصاحبي كان همّك شعر ولا نوادي وخبري تدوّر على الكوره مع من يلعبون خلّيت خط البلد يعني :(سويدي - بديعه) وعوّدت تبحث في القوقل على شات مكتوب |
وعليكم السلام ورحمه الله
صح لسان ابو عبدالرحمن وابو سعد ( اسجل حضوري ومتابعتي للمحاوره ) الله يعطيكم العافية |
تسلم يابو سعد والله لا يهينك البدع شكيت لك ياعلي والعلم منّي وكادي والحب درب(ن) به العالم مساير ومسنون أول ملك للعرب شاكاه وبني ربيعه كم خفّ من صوب ناس وكم عقل ناس من صوب الرد ياورد يافلّ ياريحان راوي وكادي الله يستر.. يجي جرحي مسمم ومسنون والعمر خوفي عليه يضيع منّي ربيعه والفاعل المرتفع يرجع من الوقت منصوب |
الله يجمل حالكم اسجل اعجابي بكم وحضوري
كما أمل منكم ايقاف المحاوره حتى ينتهي العزى ولكم مني كل التقدير والمحبه |
البدع
الحب يجري بدمّي والحشا والفوادي والكون موجع كفاك الله والله من كون جروح متوطّنه وجروح جتني تبيعه ماباقي الا الدعا ياخوك والثوب والثوب الرد بعض البشر مر بالف مدينة(ن) والف وادي يقولّي كون واسع وانت ملزوم من كون واقول خل البكش لو شفت ثوبي تبيعه من بعدما بعت ماتملكه والثوب والثوب |
صحت السنتكم يالغالين
والله يعطيكم العافية |
تسلم يابو سعد ويسلم جميع الأخوان البدع صبّحت بالخير رغم الصدّ.. والمنع بادي أنا لمحبوب قلبي وافي(ن) لا تردّون متساوي حظنا يارب لي وسّ ريعه ولا تهبني في الدنيا رديّ(ن) ومنكوب الرد علي يغنّي وظنّيت الطرب من عبادي وآقول لأصحابنا عند الفواصل تردّون ألحان فيها الطروق الهاديه وسريعه ونحب فنجالنا ما نشرب البن من كوب |
البدع
لا ياسعد خابرك في كل علمن جوادي واليوم عودت عن بعض المعاريف مسجون خذ الخبر ياطويل العمر والعلم شيعه لا يلحقك لوم شد العزم والراس معصوب الرد الله وأكبر مذاهي حيلتي يا جوادي هوا ودّك تروح للي فالكنايس يمسجون أحترت في مذهبك وأصبحت سنه وشيعه وإليا لقينا العسل ما طاب لك كل معصوب |
| الساعة الآن 09:34 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية