منتديات قبائل شمران الرسمية - اقدع عسى يقدع على راسك الذيب

اقدع عسى يقدع على راسك الذيب
________________________________________

هذي قصه وقصيده قديمه وحبيت اشارك بها لطرافتها

يذكر ان شاعرين من كبار الشعراء في عصر
قريب كانوا مايدانون بعض وحياتهم اذا تقابلوا
مجامله في مجامله

واحد اسمه حشيش واحد اسمه سعود اسماء وهميه ؟

المهم مره طراء على حشيش يدبل كبد سعود
قال في خاطره ابي اسير عليه ابي اغثه المهم
حشيش سير على سعود طق الباب فتح له سعود
وقاله جعل مهوب مرحبا اقلط .. قلط حشيش وتكى
في المجلس سنونه من الاذن الى الاذن و سعود
يامادخل وياما طلع يبيه يروح وخوينا تاكي ومبسوط
حشيش جهز قصيده يوم دخل عليه سعود قال ..

جاك المسير مالقى منك ترحيب
ولاجبت له قهوه ولامن قدوعي

الظاهر انك ماتعرف المواجيب
اكيد طبعك يختلف عن طبوعي

حنا لاجانا الضيف ننفض له الجيب
ونجيب له من كل شكل ونوعي

دخل سعود وهو يونس الهم من حشيش وقصيدته
واخذ ساعه ورجع له بقدوع فيه تمرتين وحذفه قدامه وقال

اقدع ....

اقدع عسى يقدع على راسك الذيب
في خايع مابه من الناس دوعي

متعطل في البر رجلــك تنــــــاجيك
من ليله الجمعه ليوم الربوعي

ومروك ناس غايب عنهم الطـــــيب
وخلوك وحدك في مكان يروعي

ثم جاك ذيب ماسنونه بتركيـــــب
ذيب ولد ذيب وشرسن قطوعي

وسوا بك سوات على غير ترتيب
يجزع لها قلب الشجاع الفزوعي

وهي على ذمه الراوي ؟؟؟ ودمتم بخير

مما قرأت

مع تحياتي

أخوكم
ابو حوفان