منتديات قبائل شمران الرسمية - قال الشاعر مصلح بن عياد الحارثي

قصيده الشاعر الكبير مصلح بن عياد الحارثي*

يالله يــاربـــي عـلــيــك اتــكــالــي
يـــارب عـمــرٍ زل مــنــه النـصـيـفـة

مـدري بقيلـي مـن حياتـي ليالـي
ولا وصـــل راع الــشــداد ورديــفــه

يالله يـــا مـعـبـود تـلـطـف بـحـالــي
ليا طفـح شوفـي وحسيـت خيفـه

ليـا خبثـت الخطّـر وجظّـوا عيـالـي
والتفـت الساقـيـن مـثـل الكتيـفـه

وظفـو هدومـي وتركـونـي لحـالـي
وجـونـي بصابـونـه وقطـنـه ولـيـفـه

تناقلـوا جسـم مـن الــروح خـالـي
وحـان الـوداع مـن الوليـف لوليـفـه

إغـفـر ذنـوبـي يــا رفـيـع الـجـلالـي
واجعـل سـجـلات الخطـايـا نظيـفـه

نويت أسوق القـاف يـوم استوالـي
سـوق الـركـاب بخـيـزرانٍ صخيـفـه

مــا طوعـوهـن بالعـصـيّ الجـلالـي
عفـرٍ وبرهـن مثـل غــزل القطيـفـه

بـتـر العـضـود مصـرمـات الحـبـالـي
شقـر العيـون ملاعبـات السفيـفـه

جنّـي هواجيـس الضمايـر هيـالـي
بيت احذفه منهـا وبيـت استضيفـه

اختـار مـن زيــن العـلـوم الجـزالـي
واعـاف مـن نشـر العلـوم الضعيفـه

واهـرج ليـا قالـوا تعيـش الرجـالـي
واصمت ليا شفت السوالف طريفه

خـفّـت مـوازيـن الـعـلـوم الثـقـالـي
وثقـلـت مـوازيـن العـلـوم الخفيـفـه

واصــون عـرضـي واتفـقـد حـوالــي
واهدف علـى علـمٍ يصيـب تهديفـه

وليـا عـرفـت الـلـي علـيّـه ومـالـي
وظـيـفـةٍ يـــا ويّـهــا مـــن وظـيـفـه

اخلص وخلّص قبـل يرمـى خيالـي
والعـزّ أخيـر مـن الحيـاة الكسيفـه

واصـبـر بــزلات الـرفـيـق الـمـوالـي
روحي على حوز المكـاره عسيفـه

أزنــف زنـيـف مـعـقّـلآت الجـمـالـي
واقنـب قنيـب الذيـب وازنـف زنيفـه

الطيب اللي يستحي من سبالـي
غــلاه عـنـدي مــا يـوصـف وصيـفـه

يرخص له المطلوب لـو كـان غالـي
ودّي يجينـي ضيـف قــدام اضيـفـه

ولـيــا نـويــت الـــدرب ولّآ طـرالــي
أكـــره تـــرداد الـحـكـي وتـحـريـفـه