منتديات قبائل شمران الرسمية - شعور إنســـ،،،ـــــان‘‘

وتسألني...عسى ماشرّ

عسى ماشر هاليومين..؟!
أشوفك ..حيل حزنانه
ودمعك يروي الخدين
:
.
وش أحكي..وش أقول الحين...؟!

وأنا في عِز ضيقاتي
أشوف إن الشعور..." انسان"
تغرّب عن بلاده وشان
عليه الوقت ..والعيشه..هوان.... هوان
يحسّ بوحشة الغربة
وكأنّ الأرض مهجوره..بلا سكاّن..

يسود الصمت..لامن حان
ميعاده..مع الذكرى
........مع..الأحزان
ودقّت (ساعة) التحنان
دقايقها.. وثوانيها
تضم أغلى..وأعز انسان...

صحيح (انسان متغرب)
ولكنّه..أبد ماخان..أبد ماخان
:

.
.
البارحه جتني بعد طولة غياب
تسأل,, وراها ضايقة بي سنيني
هذي دموعي حبر وعيوني كتاب
اقري وشوفي جور الأيام فيني
وخطّي معاناتي قصص لأهل الألباب
تسمع بها الأجيال في كل حيني
رواية ماتعرف فصول وأبواب
أحداثها تجري على رمش عيني
فيها البطل (حلمٍ) من الحزن قد شاب
عاجز وماله غير عكازتيني
ماكنّه إلا شخص في دار الأغراب
يبكي بلاده...لكن الحظ شيني
(ياخيّتي) جيتي بعد مالأمل غاب
جيتي من ديارك هنا..تسأليني
ياخيّتي من عقب هجران الأصحاب
ضيعت عمري والوهم محتويني
ومن ضيقتي سكّنت دمعي بالأهداب
حيّاك.. يادمعي.. ورافق ونيني
ولاتسأليني اسألي الدمع..لا انساب
هو ليه (يغرقني)..ويطفي حنيني

\
"
/

وسألتيني بعد هجر وغياب سنين
سألتيني عسى ماشر هاليومين..!!

إهي..يومين..؟

إهي قصة طويلة مالها آخر..
عذاب البعد يسكنّي وأنا أكابر..
وأقول..بخير..

.

.

ياعمّي رووووووح...
وين هذا الخير..؟
وطموحي مات قدامي
بلا معنى ولاتفسير
يضيع بزحمة آلامي
اشوفه في عيون الغير
واقول كانت أحلامي

،

سألتيني..قبل يومين

وبقول الك الجواب الحين..:

أنا هاك الشعور
اللي رسمته بهيئة الإنسان
حفظت العهد في قلبي
ولافكرت فالنسيان

شعوري صح..متغرب..

ولكنه أبد ماخان

أبد ماخان

أبد ماخان

مما عجبني,,

وأتمنى يعجبكم,,

&*كت كات*&