يقول الشاعر راجح العجمي
 

يقولون ما للعبد بد عن المقسوم
وأنا أقول صح ويقنع العبد مقسومه

عسى الله يعين اللي توافد عليه إهموم
هموم تخلي طبلة الراس منجومه

ترى والله انه مايكدر عليك النوم
سوى كلمة من بعض الاصحاب مسمومه

إليا جت من الغالين وإلا الرخوم رخوم
ولا أمحق من الغالي إليا شانت علومه

ضعاف الروابع تبتلش والقروم تشوم
ولاهي بلا شيمة ٍ من الشيم مليومه

ولا أزين من القاع الخلى والوجيه سلوم
ولا رفقة بعد طول الايام ملغومه

ولا ألذ من عشرة شريف من أقصى القوم
يبادلك فعل الطيب معناه وسلومه

ولا شفت في جو الصداقه غبش وغيوم
عطيت الدروب اللي مع الارض مرسومه

ولا مثل عز النفس لو مامعك مطعوم
وعن أهل الشماته خل الاسرار مكتومه

معي لو سمحت شوي عقب عداك اللوم
أبعطيك عن بعض الرجاجيل معلومه

ترى اللاش لو وقف معك في حياته يوم
تشوف الردى متبين فيه من يومه

وأنا أقول لو إن في وجيه الرخوم وسوم
عرفنا نميز قيمة النذل بوسومه

علشان نجلس مع رجال الوفى و نقوم
ونبعد من اللي عند الاجواد مذمومه

وأنا أسمع مع أهل التجربة في الحياة علوم
بعضها صحيح وبعض الاخبار موهومه

يقولون وكر الحر ما يعتليه البوم
وأنا شوف عيني وكر حر تحت بومه

الشاعر ... الشيخ.. راجح العجمي

رد: يقول الشاعر راجح العجمي
 

رد: يقول الشاعر راجح العجمي
 

ألاخت الفاضلة شذى الياسمين
نورتي متصفحي بتعقيبك الرائع
شكرا لك على على هذا التواجد
الجميل لاعدمتك
لك مني أجمل تحيه وتقدير

رد: يقول الشاعر راجح العجمي
 

رد: يقول الشاعر راجح العجمي
 

رد: يقول الشاعر راجح العجمي
 

ألاخت الفاضله ريهام خالد
شكرا لك على على هذا التواجد
الجميل لاعدمتك
لك مني أجمل تحيه وتقدير

رد: يقول الشاعر راجح العجمي
 

ألاخت الفاضله ريحانة الطيب
شكرا لك على على هذا التواجد
الجميل لاعدمتك
لك مني أجمل تحيه وتقدير

رد: يقول الشاعر راجح العجمي
 

رد: يقول الشاعر راجح العجمي
 

أخي الغالي ومديرنا الفاضل
ابو تركي
شكرا لك على تعقيبك وتواجدك
المستمر بمتصفحي لاعدمتك
لك مني كل الشكر والتقدير والاحترام