بعد السلام عليكم ورحمة الله وبركاته .. أسمحوا لي بأن اصافحكم .. ب جديدي !!

لعلها تكون كما يقولون " غنيمة غياب " !!



.



( الأصحاب .. )

http://store0.up-00.com/May10/1Oe14452.jpg

هم كانوا أكثر شيء لا قلت لك كان،
لكن كثرتهم بحقي .. قليله !

أصحاب تتلون على عدة ألوان،
وأصحاب مليانه ذنوب ورذيله !

والصحبه اللي ما تزيد الوفاء شان،
ماهي بذخري في السنين الطويله !

فأن ما فزع لي صاحبي فزعة أخوان،
أسحب على زوله .. وادور بديله !

طبعي ولو ما يرضي فلان وفلان،
ما شلت هم اهل الردى والفشيله!

لي عقل يوزن كل شيء بميزان،
ولا اختل ميزان الخوي ما اكيله !

الله لا يحوجني على مدة انسان،
والله يجنبني النفوسالثقيله !

اللي لها بالصدر ثوره وبركان،
في كل صبح وكل عصرٍ وليله !

ادناهم اللي يصبح بوجه زعلان،
واعلاهم اللي ما يمد الجزيله !

سبحان ربي خالق الانس والجان،
عالم بما تخفي الصدورالعليله !

الطيب باقي لو يطولن الازمان،
والله يقدرني وارد الجميله!

كانوا معي أصدق رفاقه وخلان،
والوقت شتتهم ولا لي وسيله !

كنا وطن واليوم في عدة اوطان،
راحوا على درب النقا والفضيله !

افخر بهم وافزع لهم قدر الامكان،
وأوقف لهم وقفه تشرف قبيله !

لاني ليا قالوا لي الناس شمران،
أطنخ واجيب العازه المستحيله !

ورثت من جدي كرم نفس ولسان،
ما ينطق إلا بالعلوم .. الاصيله !

ومن فعل ابوي اللي يجازي بالاحسان،
صافحت ب احساني كفوفٍ بخيله !

اللي معي يبشر بعزٍ / وعرفان،
ما هان قدره لا ولا انهد .. حيله !

واللي أشوفه كل يوم بنقصان،
نذرٍ عليّ أني لأخلي سبيله !

اعوذ بك يا رب من كل شيطان،
واستغفرك من كل ذنب نشيله !!

وختامها يا خالقي وانت رحمان،
ارحم عبادك يوم فتش الحصيله !

.

وصلِ اللهم وسلّم على محمد ..


اخراج القصيدة في اليوتيوب من الرائع / بنيدر الميزاني
هنا .. ‫قصيدة الأصحاب .. كلمات وإلقاء محمد الشمراني‬‎ - YouTube

.

دمتم بخير .. !