شي ودك يتغير في مجتمعنا
 

اليكم موضوع ولكل منكم رأيه وحرية شخصية في رأية ولكن بشرط أقناعنا
وموضوعي هو كالتالي:
ماهي الظاهرة الي تتمنى انها تختفي من مجتمعنا وليش ؟وماهي سلبياتها؟
وماهو الموقف الي حدث لك وخلاك تتمنى زوال هذه الظاهرة اذا كان فيه موقف ؟

بالنسبه لي انا اتمنى ان الفكر المتحجر يختفي.. بإختصار مايكون كل شي عيب..
يعني مثلا تسوي شي مافيه مخالفه شرعيه ولاشي حرام لكن تلقى الناس الي حوليك
ماخذين منك موقف لانه عيب وماكانو يسوونه زمان .

والحين اتمنى من كل عضو وعضوه ان يشاركوا لعل وعسى ان نستطيع
التغيير ولو بشي بسيط.

رد: شي ودك يتغير في مجتمعنا
 

رد: شي ودك يتغير في مجتمعنا
 

1-أتمنى إن الشيبان ماعاد يعطونهم رخص سياقه ((إذا تعدى عمره الخمسين ))
2-شايب يسلقط على طريق الحرمين مثل هل المظر ما شفة

رأيي ((أبو خلف))

رد: شي ودك يتغير في مجتمعنا
 

المجااااااااااااااااااااااااااااااااااامله الكذاااااااااااااااابه
يكون الانسان على حقيقته افضل
وبس
تحياتي وتقديري

رد: شي ودك يتغير في مجتمعنا
 

[QUOTE=سعد آل هتاش;185516][align=center]السلام عليكم ورحمة الله وبركاته

جوابي للسؤالك الاول : العصبية القبليه والفكر المتشدد مثل : ( القبيّله ) تكون بحد المعقول, لاننا كلنا عيال ناس والكل معروف اصلة ولا فيه داعي لهالعصبيه,,,,,,

وجوابي للسؤالك الثاني : ولا شي الحمد لله
واشكرك ياأميرة شمران واتمنى ان هالموضوع يتفاعل معه الجميع لانه موضوع (مهم)

تحياااااااااااااااااااااااتي

اشكرك جدا اخوي سعد:19:
اي والله انك صادق هذي منتشره بشكل فضيع
ياشينها شيناااااااه..المفروض كل واحد يحط قدام عينه
(ان اكرمكم عند الله اتقاكم)

رد: شي ودك يتغير في مجتمعنا
 

مشكور اخوي الرسمي..هذي فعلا خطيره والله..زمان ايام الكليه كنا
ماسكين على قلوبنا خوف لان سواقنا شايب وكمان
لا يلطشنا احد هالشيبان الي يودون البنات..(بس لا احد يروح يقول لهم:47:)
الله يطول اعمارهم ويحفظهم

رد: شي ودك يتغير في مجتمعنا
 

تحياتي وتقديري لك..المجامله الكذابه احسها مثل المرض
الي لازم يتعالج..تعبنا منها والله تعبنا.

رد: شي ودك يتغير في مجتمعنا
 

المنــافقين والكذابين
يعطيك العافيه..

رد: شي ودك يتغير في مجتمعنا
 

ج1= ( الكبر ) يعني يجيك الواحد يشوف نفسه وما ادري على ايش ( حتى لو انه منصب او معه فلوس ما يصير يتكبر) لان فيه غيره ما اعطاه ربي زيه ( ولازم يراعي مشاعره)
لدرجة ان بعض الناس الي الله معطيه الله او عنده منصب تلقاه جالس في اول المجلس حتى الشيبان ما يقدرهم بالطريقه الي يسوونها كل الناس.
والموقف الي خلاني اقول كذا انا كنت شغال في امانة الرياض وقال لنا رئيس القسم نطلع نشوف عماره واحد كان عنده مشكله المهم طلعت انا وواحد من اخوياي في سيارة البلديه ووصلنا عند الموقع ولقينا شايب من اسنان جداننا واقف يحترينا عند عمارته ( جيت ابغى انزل مسك بيدي خويي و قال لي لا تنزل خله هو بيجي) المهم جاء الشايب من جهت خويي ومد يده وخويي يطالع في الاوراق ( مد يده خويي وهو ماله نفس وقال وش عندك متعدي ماتعرف القوانين؟
قال الشايب ياولدي كذا كذا ( قام يشرح له الوضوع بكل احترام
قام خويي وقال خلاص خلاص ( وقاطعه) وقال الحقنا في القسم( وبدا يتكلم عليه انت ما تفهم القوانين و و و ) انا ضغطي ارتفع الفين وودي اتكلم بس ما ابغى احرج خويي واكسب شرهه
المهم جاء الشايب قال تفضلوا يا عيالي للقهوه انا بيتي قريب
قال لا قهوه ولاشي الحقنا قبل لانهد الحوش
المهم جلس الشايب واقف وهذا عشق ومشى
انا تكلمت عليه وقلت له انه ماله حق بس هو اسلوبه مع الناس كلهم كذا الله يهديه ويسامحه
يعني تراك منت بوزير الداخليه ولا مدري من ( انت موظف عاااااادي) بس وش تقول.,,,,,,,,,


شكري واحترامي لك يا اميرة شمران

رد: شي ودك يتغير في مجتمعنا
 

مشكوره حبيبتي على مرورك الحلو..بس ياليت توضحين اكثر عشان الكل يستفيد