حدوني على ركب الغماره
 

‏​هذا البيت المشهور=



حدوني على ركب الغمارة وانا آبغي فوق
ابي مقدم الصنـدوق ولا علـى السلـة.

هو للشاعر/ مجدل ابن ربيّع ال مسعود القحطاني
المولود في قرية الهياثم جنوب شرق الرياض سنة1326هـ . تقريبا.
وإليكم القصة والقصيدة=

كان في الكويت قبل حوالي 70 سنه وكان احد اقاربه عنده ثلاث بنات..
فتقدم خاطباً البنت الوسطى لكن والدهم زوجه الكبرى حسب ما تقتضيه التقاليد آنذاك..
ولم يكن منه إلا القبول وبعد الزواج بفترة قال هذه الأبيات معبراً عن ماكان
يجول بخاطره ، وموضحاً رغبته في الزواج من الوسطى التي لم تتحقق.


اناهاضني لين اودع القلب فيـة افتـوق
خلـوج ولدهـا عقـب فرقـاه مختلـة

بعد هاضني لعب الحمامة مع الغرنوق
على كل غصن ترفع الصـوت وتشلـه

لياشفت طير ٍ يكسر الحوم قمت أتوق
أباري لطير الجو واسير في ظله

أنا لازم أرسل له كتاب معا ماثوق
مع الطارش ابن حمود يوصله عبدالله

فيازوع قلبي زوع طير طليق سبـوق
شهر في خضيرا الجو يكفخ ورا ظله

حدوني على ركب الغمارة وانابغي فوق
ابي مقدم الصنـدوق والا علـى السلـة

معي دفتر الرخصة وانا ما عرفت اسوق
ولا جيت ا بشري موتـر مـا ورد كلـه

ولا صبو الفنجان الاول مابي لـه ذوق
ابي ثاني الفنجال مـن صافـي الدلـة

اقلط على الضيفة وأنا شفي المفهـوق
ابي قسمي اللي راعي البيت يفطن له

وانا لا تذكرته يهايف بـي الطـاروق
جبرني على الروحات صوبة و انا دله

هني ّ واحد ماهوب عاشق و لا معشوق
ولا يشحنه فرقا و لا البعـد عـن خلـه

رد: حدوني على ركب الغماره
 

ابيات رائعه جدا وقصه جميله بارك الله فيك اخي الحمدان

رد: حدوني على ركب الغماره
 

واياك اخي شيهان شمران
واشكرك لمرورك وبارك الله فيك

رد: حدوني على ركب الغماره
 

رد: حدوني على ركب الغماره
 

ولا صبو الفنجان الاول مابي لـه ذوق
ابي ثاني الفنجال مـن صافـي الدلـة

اقلط على الضيفة وأنا شفي المفهـوق
ابي قسمي اللي راعي البيت يفطن له

راااااااااااااااااااااااائع جدا

تسلم يمينك

رد: حدوني على ركب الغماره
 

اشكرك اخي حسن بن عبد الله لمرورك
وبارك الله فيك

رد: حدوني على ركب الغماره
 

اشكرك اخي سعد بن عبدالرحمن لمرورك
وبارك الله فيك
وبسلم راسك يابو عبدالرحمن

رد: حدوني على ركب الغماره
 

رد: حدوني على ركب الغماره
 

هلا ومرحبا اخي العزيز المستشار 1
ولك بالمثل لمرورك الغالي
وبارك الله فيك

رد: حدوني على ركب الغماره