حضن السحابة
 

ذاب القمر
ذاب القمر في وسط حظن السحابه
واتمايلت لجله على لحن مسحوب
ولما رحل صاحت قتلني غيابه
الراحل اللي لجله اضيع .. واذوب
ليل العشق ليه انقفل معك بابه
وانا ورى بابه اناديك .. محبوب
رد الصدى جف المزن في مصابه
ياللي المزن في غيبتك .. دمع مصبوب
رد الصدى .. عفت الاسى والكآبه
بعدك انا في عالي الجو معطوب
رد الصدى سهم الغلا القلب صابه
ومن يطعنه سهم الغلا مات مصيوب
ماهزني وسط المسا .. غير نابه
ينهش فكر فيه ارتسم طيف محبوب
ياذا القمر .. يامكتمل في شبابه
لاتنخسف خل الجمر معك مشبوب
لحظة تطل اصرخ انا الحب جابه
واذا ارتحلت اجلس مع الشمس بغروب
رعد وبرق .. تنتابني مع كآبه
ويجتاحني مع غيبتك دمع مسكوب
اعاتبك وقت اللقى في الكتابه
في غيبتك ذنبٍ عسى عنه بتّوب
لك صاحبٍ متغلغل في عذابه
وانت السبب ياراحلٍ عنه لدروب
هذا ترى نص الشهر .. دق بابه
يامكتمل وانا احتري منك مكتوب

الشاعر
ابراهيم الشمراني

رد: حضن السحابة
 

ذاب القمر في وسط حظن السحابه

بوابة رائعة تدعونا لقراءة النص

رد الصدى جف المزن في مصابه
ياللي المزن في غيبتك .. دمع مصبوب


صح الله لسانك
وأهلا بتواجدك وحضورك
ومرحبا ألف وأكثر

رد: حضن السحابة
 

رد: حضن السحابة
 

[hide][size="[/hide]6"]ذاب القمر في وسط حظن السحابه [/size]
واتمايلت لجله على لحن مسحوب
ولما رحل صاحت قتلني غيابه
الراحل اللي لجله اضيع .. واذوب

رائعه من شاعر رائع لاهنت

رد: حضن السحابة
 

رد: حضن السحابة
 

حلقت بنا بعيدا في سماء الابداع
نص باذخ صوره فكر شاعر متألق
اجبرني للوقوف معه طويلا متأملا
التصوير الرائع من صانع الكلمة
ولا يكون ذلك الا من ناظم الهمسات

ننتظر جديدك بشوق ......
لك ودي وجنائن وردي

رد: حضن السحابة
 

صبغة شعرية محببة وعذبة
تستحق الأشادة

أحسنت ياناظم الهمسات
وأنت فعلا كذلك