غيابك على غيرك كلافه
 

ياصاحبي بالوصل مبطاك مبطاك

ترا غيابك على غيرك كلافه

ياليتك اتشوفني يوم اتحراك

في موقف جف دمعي من جفافه

أمد كفي لحروة كف يمناك

واردها بالندامه والحسافه

يوم ان ربي عطاني خوف فرقاك

بالعون ماحط في قلبك مخافه

تبيني اموت انا ميت بلياك

العالم اغراب والعيشه كسافه

عليك ياكبر شرهة ضيف دنياك

يوم انك اخطيت في حق الضيافه

حتى عيوني عيوني مملكه ماك

ماخذك في دمعها رحمه ورافه

لو انها ساحل وهذي سواياك

جف البحر من ضفافه لا ضفافه

وش ذنب حلم على جرة مطاياك

شوهت وجهه وعريته عفافه

الشاهد الله وطعناتك هداياك

لاجت مسافه ولاراحت مسافه

هل (اشد الوصل )؟ ولاحاول انساك

محتار بيت الحقيقه والخرافه

لاوالله عسى النسيان يفداك

مابرني بالمرونه واللطافه

اول ضحاياك انا واخر ضحاياك

تمثال عشق على جسر الرصافه

ان عافت الكبد تفاحه ثناياك

لاعلها لا عطوها الما تعافه



الشاعر .. مدغم ابو شيبه

رد: غيابك على غيرك كلافه
 

بارك الله فيك على القصيدة
دمت بحفظ الله ورعايته

رد: غيابك على غيرك كلافه
 

هلا بأخي الغالي ابو طلال
أشكرك على تعقيبك وتواجدك
المستمر بمتصفحي لاعدمتك
لك مني أجمل تحيه وتقدير

رد: غيابك على غيرك كلافه
 

رد: غيابك على غيرك كلافه
 

ياهلا ومرحبا بالغاليه
وحبيبة الكل شمرانية الروح
أشكرك لتعقيبك وتواجد بمتصفحي
لك مني كل التحايا والتقدير لاعدمتك

رد: غيابك على غيرك كلافه
 

رد: غيابك على غيرك كلافه
 

شكرا على القصيدة

سلمت يمناك ولا عدمناك..

دمت برضى الله وفضله

رد: غيابك على غيرك كلافه
 

هلا وغلا بكم جميعاً
شكرا لكم على تعقيبكم الرائع
وتواجدكم بمتصفحي
لكم مني أجمل التحايا واطيبها