منتديات قبائل شمران الرسمية - سلام يا بنت الرجال المسمين ،،،

- المنقولات الأدبية (http://vb.shmran.net/forumdisplay.php?f=153)

- - سلام يا بنت الرجال المسمين ،،، (http://vb.shmran.net/showthread.php?t=37419)

سلام يا بنت الرجال المسمين ،،،

ابيات اعجبتني فاحببت ان نستمتع بجمالها جميعا

سلام يابنت الرجال المسمين
سلامٍ احلى من العدود ومصافيها

نويت اختصر كلامي بكلمتين
كلمتين بسيطه مني اسمعيها

ترى كلمتي يابنت مهيب ثنتين
كلمه وحده ولا يمكن اثنيها

ماني من اللي يقبل بنصف حلين
امشي دروبي ولا يمكن اباريها

غريزة وارثها من ابٍ وجدين
ومستحيل ان الخلل يجي فيها

ما اتغير لو تختلف كل الموازين
اثبت ولا قلت كلمه احتميها

حاضر بحاضر مافيه بكره وبعدين
لا كبرت القاله لازم اني انهيها

والحين قدامك يابنت الاجواد دربين
اختاري واعطي نفسك اللي تبيها

اما اكون الاول ماني بتسديد دين
ولا ما تفرق اكون باولها وتاليها

لا صرت اهرجك افطني لي زين
ما احب تقطيع الهروج ودعاويها

ماني بجابرك على يسار ويمين
رسمت لك خطه وانتي خذيها

احب اللي يقدرني ولا يهم منين
المهم انه يعطيني الحاجه اللي ابيها

ابي احترام وتقدير وممشى بالقوانين
والدروب التايعه مالي والله فيها

ارخصت لك شعري وبكتبه بالدواوين
والنفس لا مرضت قصيدي يداويها

شرحت لك وضعي الليله ببيتين
واليوم يا بنت كلها عندك وحليها

وتقبلوا فائق الود والتقدير