منتديات قبائل شمران الرسمية

منتديات قبائل شمران الرسمية (http://vb.shmran.net/index.php)
-   ديوان الشاعر محمد بن أحمد الحوالي الشمراني (http://vb.shmran.net/forumdisplay.php?f=156)
-   -   غياهيب مخيفة (http://vb.shmran.net/showthread.php?t=39513)

ابوحوالة الشمراني 03-04-2014 04:23 AM

غياهيب مخيفة
 
حني عليه وكفيني من الحاجه
بالامس كانت نجوم الليل وهاجه

والله مانمت ليلي من تثاريبك
والنجم يبغى يواسي عند معراجه

الناس تبغى كلامي مثل ماحبوا
والعقل يأبى ولا بيعوّد ادراجه

فالناس تهبى على تحكيم مرساتي
والبحر بحري وانا قبطان بامواجه

تبغى النصيحة و تبغاني اطبقها
لا تقتنع من كلام الناس علّاجه

وتبغى الحقيقة وتبغاني ابرهنها
هات القصايد ومن يستاهل مواجه

لكن تأبون برهاني ومقدرتي
تأتون في عيبنا من قول سرّاجه

خشمي يجمل ويعلوكم بمقداره
حتى ولو بان همه ماهي اعواجه

ياشين شوف الذي مداح في نفسه
مثل الظلام الذي ما ينْور سراجه

لو كان يقدر على تهذيب عذروبه
معلول مايقتنع ماطابه علاجه

وهذا سراجي على الضلمات ينفعني
حتى لو خانني التعبير واخراجه

البن بني وفي ذاك الجبل يروى
والشعر قهوة وذاك الراس مهباجه

لا تامن اللي ضحك لك عقب ما تبكي
ولاتامن اللي على حاجته روّاجه

اسمع كلامي تأمل في مغامرتي
وش حد شعري على تهميشة أفواجه

الشعر طلق الجناح وحر في جوّه
كيف انت تبغى تحطه وسط اسياجه

الشعر ماهو بزينة يوم تكشخ به
ماهو يروض وناتج روح هيّاجه

تبغى الحقايق ترى بالصدر هوجاسي
يامل قلبٍ يسج وفيه دولاجه

هذا كلامي ويعقب كل ما قلته
الشعر ماهو بسلعه عند دواجه

شيهان شمران 03-04-2014 06:08 AM

رد: غياهيب مخيفة
 
أبو حواله صح الله لسانك حكم ﻻ فض فوك

الحمدان 03-05-2014 01:08 AM

رد: غياهيب مخيفة
 
صح لسانك وبيض الله وجهك
تدرج جميل في الابيات
تقبل تحياتي واعجابي
بهذه القصيده
شكراً لك اخي الشاعر ابو حواله

ابوحوالة الشمراني 03-13-2014 04:36 AM

رد: غياهيب مخيفة
 
حياكم الله وصحت ابدانكم

ابو ريناد 03-14-2014 05:44 PM

رد: غياهيب مخيفة
 
الله الله قصيدة رائعة يعطيك العافية

شاعر مميز اخوي محمد عساك على القوة

ابوحوالة الشمراني 04-13-2014 08:25 PM

رد: غياهيب مخيفة
 
صح بدنك ابو ريناد

محمد مزهر 04-13-2014 09:17 PM

رد: غياهيب مخيفة
 
ابيات شعريه رايعه استمر والله يوفقك


الساعة الآن 11:01 PM.

Powered by vBulletin® Version 3.8.7
Copyright ©2000 - 2020, vBulletin Solutions, Inc. Trans by
جميع الحقوق محفوظة لـ منتديات شمران الرسمية