منتديات قبائل شمران الرسمية - تسلم عيون ٍ للمحبة خذتني

- المنقولات الأدبية (http://vb.shmran.net/forumdisplay.php?f=153)

- - تسلم عيون ٍ للمحبة خذتني (http://vb.shmran.net/showthread.php?t=60489)

تسلم عيون ٍ للمحبة خذتني

تسلم عيون ٍ للمحبة خذتني
طال الزمان وماتغير هواها
ياما بريحان العواطف كستني
وأهدتني ورود الغرام وشذاها
تستاهل التقدير ياما رعتني
حتى أحتواني في غلاها غلاها
من قبلها سود السنين أحتوتني
واليوم قلبي بالحنان أحتواها
لها الغلا كله ولوماعطتني
من الغلا شي ٍ يعوض جفاها
تزعل وأراضيها وياما أزعلتني
وأنا أتمنى طول عمري رضاها
باعت ( ألوف المعجبين ) وشرتني
ومجنونها باع الحياه وشراها
يسعد لياليها متى ماأذكرتني
و( صباحها السكر ) ويسعد مساها
ويسعد عيون ٍ كل ماناظرتني
ضاعت عيوني في ( متاهة ) حلاها
( رموشها ) ( تنهيدها ) لا افقدتني
و( تفريكة يديها ) و( عضة شفاها )
و( بسماتها ) و( دمعاتها ) لالقتني
والشيطنه اللي تعزز ذكاها
و( يسعد وفاها ) لوفرضنا ( نستني )
وإن مانستني يسعد الله وفاها
ويسعد ليال ٍ عشتها ووحشتني
أحلى ليال العمر كانت معاها
ويسعد مكان ٍ كل ماقابلتني
شوي وإلا قام فينا أيتباهى
ويسعد ( نعومة يدها ) لالمستني
كن النعومة مااوجدت في سواها
أتووووه وأذكر خالقي يوم جتني
قدامها ضي الشموس ووراها
عجزت لأنسى كلمة ٍ أرهقتني
( دنياي ظلما وأنت نور بسماها )
من يومها غير ( الأمل ) ماعطتني
ورسايل ٍ ماغيري أحد ٍ قراها
يسعد مساها من كثر ما أسعدتني
وكثر الغياب المر يسعد مساها.