منتديات قبائل شمران الرسمية - رد من الشاعر بوحارث على بوراكان

رد الشاعر /محمد بن عبدالله على الشاعر /ابو راكان في القصيدة الموجهه له : ــ
الله سميع ذا دعيناه وبصير الواحد المعبود منشي سحابه
ذكره قبل ما شوف للفتل والغير واقراه واشكر من تعنى وجابه
خط وصلني فيه بعض التعابير رحبت به واجب هلابه هلابه
يشكي قلوب تنكر الحق تنكير والظن في بعض المناصير خابه
وضاقت به ديار الشقا والمعاسير ديرة حسن خيم عليها ضبابه
كم ديرة فيها الرجال المسافير ياللي من دياره يجهز ركابه
انشد عن العد القراح المصادير والله ما يغني عن الما سرابه
والوضع مايحتاج كثر التدابير ياخوي لاتخشى الضعوف الغلابه
ان كانها مالت عليك المقادير اللاش بعه بلاش حضرة جنابه
وان كان ماعدت حدود المعايير اصبر وبأمر الله يسهل صعابه
مضمون راعي الصبر باقل تقدير يجمل ويلقى عند ربه ثوابه
وانا على أمرك ماتعذر معاذير ماني بمن يشبه حضوره غيابه
لبيه وابشر بالفرح والتباشير لرضاك مانشكي العجز والتعابه
اجل الهموم وخل كثر التفاكير احنا مناصيرك وجندك ولابه
ناقف بجنبك بأول العلم واخير عاداتنا ياهل العقول اللبابه
وصاة عود يحمي الجار ويجير كم ليلة داس الخطر والنشابه
اللي يبيه يصير لابده يصير إما يجيبه طيب وإلا غصابه
لاشكي فراقه لوهمومك قناطير تنسى وتبكي من شكى لك مصابه
هذا جوابي وادري ان فيه تقصير وضحت شي وشي ماحد درابه
وصلوا على اللي بشر الناس ونذير نبينا ياحظ من اقتدى به