منتديات قبائل شمران الرسمية - تدري وش أكبر ذنب في الشرع و الدين

- المنقولات الأدبية (http://vb.shmran.net/forumdisplay.php?f=153)

- - تدري وش أكبر ذنب في الشرع و الدين (http://vb.shmran.net/showthread.php?t=65329)

تدري وش أكبر ذنب في الشرع و الدين

تدري وش أكبر ذنب في الشرع و الدين؟!..
إنـك تسـب الـلـي خلـقـك و تـذمـه

و تدري وش أكبر عيب عند المياميـن؟!..
انـك تخـاوي لـك مـن النـاس رمـه

و تدري وش أخطار التجاوز من يمين؟!..
إنـه يكـون اللـي علـى البـاب عمـه

والمشكلـه لا سلهمـت فيـك بالعـيـن
والريـح تنثـر فـي شعـرهـا وتلـمـه

يضيـع فكـرك بيـن حـد الحجاجـيـن
و يمكـن تجيـب الكارثـه و المطـمـه

و تدري وش اللي يدبل الكبـد ويشيـن؟!..
بعض القصيـد اللـي علـى غيـر يمـه

يا بندر ابن سرور ويـن أنـت هالحيـن ؟
ويـن أنـت يـا زبـن الأمـور المهمـه

وين القصيـد اللـي يـدك المياديـن ؟!.
و يهـز شيـخ فـوق رأســه معـمـه

الشعـر والشعـار صــاروا عنـاويـن
و مهبـل تشـري القصـيـد وتصـمـه

صاروا مثـل مـا قـال لعبـة وراعيـن
وكل(ن)تربـع لـه عـلـى رأس قـمـه

يقـول أنـا الشاعـر و غيـري مجانيـن
ودك علـى مجـمـع حنـوكـه تخـمـه

النـاس تذبـح فـي العـراق و فلسطيـن
و قصايـده يـا حلـو عيـنـه وفـمـه

عساه يؤخذ في الضحـى قولـوا (آآآآآآآميـن)
اللـي بنـات النـاس شغلـه و هـمـه

أحـد يحـاول ستـر عـذراء البعيـديـن
و أحـد يـدور بالـردىء بنـت عـمـه

قـد قالهـا بنـدر قبـل عــدة سنـيـن
يثـور معهـا الـحـر و يـثـور دمــه

ولا الـردي لـو مرتـه بيـن قوسـيـن
تـزول عـن عينـه مــزول المغـمـه

يا بنت شومي عن أهـل الضعـف تكفيـن
مالـك ومـال اللـي قـريـب مجـمـه

والشاعـر اللـي مـن رجـالٍ مسميـن
علـيـك فــرض لازم إنــك تتـمـه

الـدار .. والعـادات .. والسلم..والـديـن
ثـم عقبهـا وجـه علـى أيـَّاة يـمـه

الشيخ راجح العجمي