ألا يالله ياللي تحت هيبة سلطنتك أسلمت
 

ألا يالله ياللي تحت هيبة سلطنتك أسلمت
لك المسلم يسبح لك بحمدك وإلك الإسلامي

احمدك وأشكرك وأثني عليك بما علي انعمت
وزدني في وفا بر العشير ووصل الأرحامي

ولهت الفجر ياليل الذهول اللي علي أظلمت
بعرضك واقع الذكرى عليه عرض الأفلامي

وولهتك يالنديم اللي على صافي وفاك أضرمت
بصفحة ذكريات العام واللي من ورى العامي

عطتني عزلة إخلاصي معك نسيان من نادمت
كتبتك وانطوت صحفي عليك وجفت أقلامي

بعد تقرير مشوار التجارب نجحت وأجزمت
بأن السيف سيفي والعصا والمحزم حزامي

أباهي لا أبالي وأتبسيط كل ما قدمت
أشب النار قدام العرب وأشيد خيامي

نهاري حر شمسه يستحي منها لسان الشمت
وليلي ترجم نجومه ملامة كل من لامي

على ضو الكلام اللي كشف عنا ستار الصمت
وعرفت ان به وجيه باليمن ووجيه بالشامي

احسب انك تيمم باتجاهي وين ما يممت
اثر لا انته ورايه بالطريق ولا أنت قدامي

وكثر ماحن صدري للونيس وكثر ما درهمت
فجع صدري حنيني وأتعب الأقدام درهامي

مصيبة لا تردت قيمتك في عين من قيمت
يشوفك بالسهل وانته تشوفه بالسما السامي

مادام ان جانبي شام لجنابك وانت عني شمت
كثر خيرك وانا لانيب لا جايع ولا ضامي

اشوف انه علي واجب اليا مريتكم سلمت
مرور كرام تربطها الكرامة عند الاكرامي

على شان الخفوق اللي على عرشه قعدت وقمت
وحجب عنك الدجا لين اشرقت لك بيض الأيامي

مصير الوقت يشرح لك ظروفه لا غفلت ونمت
يصيحيك الزمان اللي يصحي كل من نامي

وتعرفني لمنها ضاعت اوهامك بمن وهمت
وعرفت الفرق في حب الخشوم وحب الأقدامي

ختام السالفة يا طيب العشرة كرمت ودمت
هذا حقك علي وحق شرهاتي على أوهامي



سعد بن جدلان

رد: ألا يالله ياللي تحت هيبة سلطنتك أسلمت
 

رد: ألا يالله ياللي تحت هيبة سلطنتك أسلمت
 

اهلين بالغالية زهرة اللوتس
منوره بتعقيبك الجميل والرائع
لك مني أجمل تحيه وتقدير لاعدمتك

رد: ألا يالله ياللي تحت هيبة سلطنتك أسلمت
 

رد: ألا يالله ياللي تحت هيبة سلطنتك أسلمت
 

اخي الغالي ومديرنا الرائع
ابو تركي
اشكرك لتعقيبك الجميل والمميز
لك مني أجمل التحايا وارقاها لاعدمتك