الرحيل المر

توالت اهمومي وانا عايش احزان
من حيرتي قمت اتحسس مكاني
ـــــــــــــ
هموم جتني عدة اشكال والوان
من ِسبّة الي به حبيبي رماني
ـــــــــــــ
شكٍ مع غيره يقول انت غلطان
ويقول لي انته بطبعك اناني
ـــــــــــــ
قلبٍ عطيته لك تجازيه نكران
ومافاد إحساسي وكل التفاني
ـــــــــــــ
خليتني في لجّة البحر غرقان
وبين الرجا والياس عشت الاماني
ـــــــــــــ
لو ُكنت اعرفك زين ماكان ماكان
الله,,, يقطع حب لخبط كياني
ـــــــــــــ
رديت ياعمري,, ترفق بولـهان
يكفي الالم إلي من البعد جاني
ـــــــــــــ
ادري حياتي إنّك اليوم زعـلان
وادري نويتي لعن,, حتى زماني
ـــــــــــــ
وادري بمثلك مايُقدر بالاثمان
لكن ياعمري خِشيت الهواني
ـــــــــــــ
وادري فلامثلك خلق ربي انسان
من وين أبلقى لو اطوف المواني
ـــــــــــــ
تبقي غرامي دام بالقلب شريان
ينبض ويشّـر فالتشـهد. بنـاني
ـــــــــــــ
وينتهي عمري ولا ني بـنسيان
ذاك الزمان إلي مضى والثواني
ـــــــــــــ
يجيك لحظه لو بعَد عدة ازمان
تعرف سبب بعدي وش الي نهاني
ـــــــــــــ
وإن ُكنت مستعجل ابااقولها الان
بعدي عشانك والله ماهو عشاني
ـــــــــــــ
خوفي اذا جيتك تصيرإنت ندمان
وخوفي عليك إنّـك من اهلك تعاني
ـــــــــــــ
وإلا أنا يازين صنيان صنيـــان
ماهمّني تدرين ,والعمر فــاني
ـــــــــــــ
ياما على شانك تناسيت خِـلان
وصديت ياما ضبي بعدك هواني
ـــــــــــــ
حتّى في ابياتي اغيّر فااالاوزان
اخشى عليك احسب لغلطة لـساني
ـــــــــــــ
وإذا قرضتْ الشعر مانيب, طربان
لكن ذِكرى حُضنك الي حــواني
ـــــــــــــ
ترفقي باللي خذالعشق عِنــوان
تكفين لاتنسي صريع الــــغواني

المشاركة الأصلية كتبت بواسطة أميرة الورد (المشاركة 358482) أبيآت رآئعة شكراً لك لك تحيآتي وتقديري http://g-3e6r.com/vb/images/smilies/index2.gif أمـيرة آلــورد