منتديات قبائل شمران الرسمية - وأنا عيوني تهل الدمع.. وتكفه ** أكف دمعي بكفيني وأناملها

سلّم سلام الموادع رافعٍ كفه
واغضى بنجلٍ تقول النوم داخلها

وأنا عيوني تهل الدمع.. وتكفه
أكف دمعي بكفيني واناملها

كلّه على شان ما أشوش على شفه
أخشى يشاهد دموعي ويتخيلها

غالي وابغليه واقف معه في صفه
وأطاوعه لو أضيم النفس وازعلها

يا روح روحي وروح الستر والعفه
اركن عليّه همومك واتحملها

مالي وليفٍ عليه الروح ملتفه
إلا انت ياللي عليك الروح باذلها

وان كان في صالحك ما ترجح الكفه
وش خانة الحب والعشره من أولها

شبيت ضوك وأنا ما قلت لك طفه
اصبر ولا أقول طف النار واشعلها

للعملاق حبيب العازمي

لله درك يابو فيصل
كل بيت يعتبر قصيدة والإبداع غير مستغرب
إبداع في الأبيات واللحن والشيلة

مقطع لأداء أبو فيصل

‫شيلة للشاعر حبيب العازمي | الموادع |من برنامج الديوانيه‬&lrm; - YouTube

والقصيدة كاملة بأداء محمد بن مريزيق

‫سلام الموادع كلمات حبيب العازمي أداء محمد مريزيق‬&lrm; - YouTube